saibaba

साईदर्शनासाठी(saidarshan) येणाऱ्या भाविकांनी सभ्य पोषाख करून यावे, अशा आशयाचे फलक साईसंस्थानने लावले. काल काही ग्रामस्थांनी ठिकठिकाणी लावण्यासाठी फलक तयार केले. ग्रामस्थांनी लावलेला एक फलक फडकावून आमदार राधाकृष्ण विखे पाटील यांनी ग्रामस्थांच्या भुमिकेस आपला पाठिंबा असल्याचे जाहीर केले.

शिर्डी : साईदर्शनासाठी(saidarshan) येणाऱ्या भाविकांनी सभ्य पोषाख करून यावे, अशा आशयाचे फलक साईसंस्थानने लावले. त्याला भुमाता ब्रिगेडच्या तृप्ती देसाई(trupti desai) यांनी आक्षेप घेतला. त्यानंतर अनेकांनी या वादात उडी घेतली. संस्थानाच्या विरोधात शिवसेना व मनसेची महिला आघाडी आणि ब्राह्मण महासंघाने यावर भाष्य केले. काल काही ग्रामस्थांनी ठिकठिकाणी लावण्यासाठी फलक तयार केले. याला आमदार राधाकृष्ण विखे पाटील(radhakrushna vikhe patil) यांनी पाठिंबा दर्शवला आहे,

ग्रामस्थांनी लावलेला एक फलक फडकावून आमदार राधाकृष्ण विखे पाटील यांनी ग्रामस्थांच्या भुमिकेस आपला पाठिंबा असल्याचे जाहीर केले. आता अनेक ठिकाणी असे फलक लागणार नेमका कुणाच्या फलकावर आक्षेप घ्यायचा, असा प्रश्न देसाई यांच्या समोर निर्माण होण्याची शक्यता निर्माण झाली आहे. साईसंस्थानने याबाबत आपली भुमिका स्पष्ट करावी. ग्रामस्थांनी व साईसंस्थानने एकत्र बसून निर्णय घ्यावा. आपण ग्रामस्थांसोबत आहोत. बाहेरील व्यक्तींनी त्यात हस्तक्षेप करून वातावरण गढूळ करू नये, अशा शब्दात आमदार विखे पाटील यांनी आपली भूमिका स्पष्ट केली.

त्यांनी नगरपंचायत कार्यालयासमोर ग्रामस्थांनी तयार केलेला एक विनंती फलक त्यांनी हातात धरून फडकविला. या फलकावर साई दर्शनासाठी येताना भाविकांनी भारतीय संस्कृतीला अनुसरून किंवा सभ्य पोषाख करून यावे. अशी विनंती करणाऱ्या ओळी लिहील्या होत्या. यावेळी भाजपचे उत्तर नगर जिल्हाध्यक्ष राजेंद्र गोंदकर, माजी नगराध्यक्ष कैलास कोते, नगरसेवक अभय शेळके, नितीन कोते यांच्यासह विवीध संस्थांचे पदाधिकारी उपस्थीत होते.

जाहिर केल्याप्रमाणे मनसेच्या महिला आघाडीच्या प्रमुख सुरेखा कोते यांनी  दहा फलक तयार करून ते शहरात ठिकठिकाणी लावले. उद्या आम्ही शहराबाहेरील स्वागत कमानीवर हा मजकुर असलेला मोठा फलक लावणार आहोत. देसाई यांनी आमचे फलक काढून दाखवावेत, असे त्यांनी म्हटले आहे.  साईसंस्थानचे विनंती फलक हटविण्यासाठी देसाई येथे आल्या तर त्यांना संस्थान बरोबरच ग्रामस्थांच्या फलकांच्या विरोधात देखील भूमिका घ्यावी लागेल.