कारचा टायर फुटल्याने घडला भयंकर अपघात, एकाचा जागीच मृत्यू

अपघातग्रस्त कार 'MH 31DC 9672' पलट्या घेत अचानक या दुचाकीवर आदळली. यामध्ये योगेश याचा जागीच मृत्यू झाला असून त्याचा भाऊ अक्षय हा गंभीर जखमी झाला.

    अमरावती (Amravati) : नागपूरवरून अंजनगावकडे (Nagpur to Anjangaon) जाणाऱ्या कारचा दर्यापूरमधे (Daryapur) टायर फुटून भीषण अपघात झाला. या अपघातात (accident) समोरून येणारा दुचाकी चालक यांना जबर धडक बसल्यामुळे जागीच मृत्यू झाला. दोन दुचाकी चालक गंभीर जखमी आहेत.

    दर्यापूरतील अमरावती रोड स्थित पेट्रोल पंपाजवळ नागपूर येथून येणाऱ्या इंडिका कारचा समोरचा टायर अचानक फुटल्यामुळे कारने जोरदार पलट्या घेतल्या. यात समोरून येणाऱ्या दुचाकीचालक योगेश मनोहर राऊत वय ४० आणि अक्षय मनोहर राऊत वय ३५ राहणार अंबाबाई सांगळुद तालुका जिल्हा अकोला हे आपल्या दुचाकीवरून अमरावतीकडे जात होते.

    अपघातग्रस्त कार ‘MH 31DC 9672’ पलट्या घेत अचानक या दुचाकीवर आदळली. यामध्ये योगेश याचा जागीच मृत्यू झाला असून त्याचा भाऊ अक्षय हा गंभीर जखमी झाला आहे. यासह दर्यापूरतील आदर्श विद्यालयातील शिक्षक प्रशांत दिगंबर गावंडे वय ४० हे सुद्धा आपल्या दुचाकीने शेतावर जात होते. सदर कार पलट्या घेत घेत या दुचाकीवरसुद्धा आदळली. यात प्रशांत गावंडे यांचा उजवा पाय निकामी झाला असून ते गंभीर जखमी झाले आहेत.

    सर्व जखमींना अमरावती जिल्हा रुग्णालयात दाखल करण्यात आले असून उपचार सुरू आहेत. विशेष म्हणजे अपघातग्रस्त कार टायर फुटून पलटी झाली हा इतका भीषण अपघात असतानाही कारमधल्या कोणालाही इजा झाली नाही. अब्दुल सलिम मोहम्मद अली नागपूर यांच्या मालकीचे असून ते स्वतः ही कार चालवत होते. कारमध्ये अब्दुल सलिम त्यांची पत्नी सीमा तबस्सुम जैना फातिमा वय वर्षे चार सकीना फातेमा वय वर्ष ३ हे कुटुंब होतं.

    अपघात होताच परिसरातील नागरिकांनी तातडीने कारमधील कुटुंबियांना बाहेर काढले अंजनगाव येथील जावई असल्यामुळे ते आपल्या सासुरवाडीला जात होते. यासह अपघातग्रस्त कारमधील सर्वात छोटी मुलगी सकीना फातिमाचा काल वाढदिवस सुद्धा होता. पोलीस तातडीने दखल झाले असून , पुढील तपास दर्यापूर पोलीस करीत आहेत.