नारायणगाव (ता.जुन्नर) येथील पर्यटनासाठी यूएई, दुबई येथे गेलेल्या १६ जणांपैकी ७ व्यक्तींचे आर.टी.पी.सी.आर अहवाल (OMICRON) ओमायक्रॉन पॉझिटिव्ह आले आहेत. अशी माझी माहिती तालुका वैद्यकीय अधिकारी डॉ उमेश गोडे व डॉ वर्षा गुंजाळ यांनी दिली.
नारायणगाव : नारायणगाव (ता.जुन्नर) येथील पर्यटनासाठी यूएई, दुबई येथे गेलेल्या १६ जणांपैकी ७ व्यक्तींचे आरटीपीसीआर अहवाल (OMICRON) ओमायक्रॉन पॉझिटिव्ह आले आहेत, अशी माहिती तालुका वैद्यकीय अधिकारी डॉ. उमेश गोडे व डॉ. वर्षा गुंजाळ यांनी दिली.
नुकतेच दुबईवरून आल्यानंतर त्यांचे तात्काळ आरटीपीआर नमुने घेण्यात आले. हे नमुने १२ डिसेंबरला पुणे येथील प्रयोगशाळेमध्ये तपासणीसाठी पाठवण्यात आले होते. त्यापैकी एकूण ७ व्यक्तींचे नमुने आज (दि. १७) रोजी ओमायक्रॉन पॉझिटिव्ह आले आहेत.
सर्व रुग्णांना ग्रामीण रुग्णालय नारायणगाव येथे दाखल करण्यात आले आहे. तसेच त्यांच्या संपर्कात आलेल्या सर्व लोकांचे RT-PCR नमुने प्राथमिक आरोग्य केंद्र वारुळवाडी येथे घेण्यात आले आहेत. ते पुढील तपासणीसाठी पुणे येथे पाठविले आहेत. या रुग्णामध्ये सौम्य लक्षणे असून, सदर रुग्णांना नारायणगाव ग्रामीण रुग्णालय येथे क्वारंटाईन करण्यात आले आहे, अशी माहिती तालुका आरोग्य अधिकारी डॉ. उमेश गोडे व वैद्यकीय अधिकारी डॉ. वर्षा गुंजाळ यांनी दिली.
दरम्यान, सातपैकी चार जण नारायणगावचे असून तीन जण शेजारीच असलेल्या वारूळवाडी गावचे रहिवासी आहेत. हा व्हायरस तात्काळ पसरत असून, सर्वांनी काळजी घेण्याची गरज आहे. मात्र, या सर्व रुग्णांना कोणत्याही प्रकारचा त्रास होत नसून घाबरून जाण्याची गरज नाही, अशी माहिती वैद्यकीय अधिकाऱी डॉ. वर्षा गुंजाळ यांनी दिली.
