शासकीय कर्मचारी आणि पोलिसांवर हल्ल्याच्या घटना वारंवार घडत असून, अशीच एक धक्कादायक घटना मनमाड शहरात घडली. वाॅरंट बाजविण्यासाठी गेलेल्या रॅपिड ऍक्शन फोर्सच्या पोलिस जवानांवर ४ जणांच्या टोळीने चॉपरने जीवघेणा हल्ला (Attack on Jawan) केला. या हल्ल्यात पोलीस जवान गंभीर जखमी झाला आहे; त्याला नाशिकच्या खाजगी हॉस्पिटलमध्ये दाखल करण्यात आले.
मनमाड (वा.) : शासकीय कर्मचारी आणि पोलिसांवर हल्ल्याच्या घटना वारंवार घडत असून, अशीच एक धक्कादायक घटना मनमाड शहरात घडली. वाॅरंट बाजविण्यासाठी गेलेल्या रॅपिड ऍक्शन फोर्सच्या पोलिस जवानांवर ४ जणांच्या टोळीने चॉपरने जीवघेणा हल्ला (Attack on Jawan) केला. या हल्ल्यात पोलीस जवान गंभीर जखमी झाला आहे; त्याला नाशिकच्या खाजगी हॉस्पिटलमध्ये दाखल करण्यात आले असून, तेथे हा जवान मृत्यूशी झुंज देत आहे. या घटनेमुळे शहर परिसरात खळबळ उडाली.
वरिष्ठांकडून चाैकशी…
पोलिसांनी याप्रकरणी गुन्हा दाखल करून एका आरोपीला अटक केली. तर ३ आरोपी फरार झाले आहे. त्यांनाही लवकरच गजाआड केले जाईल, असे सहाय्यक पाेिलस निरीक्षक प्रल्हाद गिते यांनी पत्रकारांना सांगितले. दरम्यान, घटनेची माहिती मिळताच अप्पर पोलिस अधीक्षक चंद्रकांत खांडवी यांनी मनमाडला भेट देवून जखमी पोलिसाची विचारपूस केली.
चाॅपरने हल्ला
पोलिसांनी दिलेल्या माहितीनुसार, रॅपिड ऍक्शन फोर्सचा पाेलिस जवान सूरज उगलमुगले ह्याच्याकडे शुभम चुनियन (रा. इदगाह) याला वाॅरंट बजाविण्याची जबाबदारी देण्यात आली होती. शुभम हा रेल्वे स्थानकाच्या बाहेर त्याच्या मित्रासोबत एका पान दुकानावर उभा असल्याची माहिती मिळाल्यानंतर सूरज त्याला वाॅरंट देण्यासाठी गेला असता मी वाॅरंट घेणार नाही; असे सांगत शुभमने पाेलिस जवानांशी हुज्जतच घातलीच शिवाय त्याला शिवीगाळ देखील केली वाद इतका विकोपाला गेला की, शुभमने पोलिस जवान सुरज याच्या पोटावर चॉपरने वार केला. घाव वर्मी लागल्यामुळे सूरज जागीच कोसळला.
हल्लेखाेर अट्टल गुन्हेगार
हल्ला केल्यानंतर तिघे आरोपी फरार झाले. आपल्या पोलिसावर जीवघेणा हल्ला झाल्याची माहिती मिळताच सहाय्यक पाेलिस निरीक्षक प्रल्हाद गिते, गौतम तायडे आणि इतर पोलिसांनी घटनास्थळी धाव घेऊन जखमी सुरजला तातडीने उपजिल्हा रुग्णालयात दाखल केले. येथे प्रथमिक उपचार केल्यानंतर सुरजला नाशिकच्या खाजगी हॉस्पिटलमध्ये दाखल करण्यात आले असून, तेही तो मृत्यूशी झुंज देत आहे.
पोलिसांनी या प्रकरणी मुख्य आरोपी शुभम चुनियान सोबत फरार झालेल्या तिघांविरुद्ध गुन्हा दाखल करून प्रवीण कुमावत याला अटक केली आहे. उर्वरित आरोपी फरार झाले असून, त्यांचा शोध घेतला जात आहे. शुभम चुनियन हा सराईत गुन्हेगार असून त्याच्यावर हाप मर्डर, दरोडा,चोरी, मुली व महिलांची छेड काढणे, पोलिसांवर हल्ला करणे असे एकूण १७ गुन्हे दाखल असल्याची माहिती सहाय्यक पाेलिस निरीक्षक प्रल्हाद गिते यांनी दिली. जर पाेलिस सुरक्षित नसतील तर मग सर्वसामान्य नागरिकांचे काय? असा प्रश्न उपस्थित केला जात आहे.
