Daytime storm fire at Dahisar State Bank; Death of a bank employee; The robbers looted Rs 2.5 lakh in cash

दिवसाढवळ्या काही दरोडेखोरांनी मुंबईतील दहिसर भागातील स्टेट बँक ऑफ इंडियाच्या शाखेत घुसून लुटमारीच्या उद्देशाने गोळीबार केला. या गोळीबारात बँक कर्मचारी गंभीर जखमी होवून त्याचा रुग्णालयात मृत्यू झाला. तर बँकेचा सुरक्षा रक्षक जखमी झाला आहे. बँकेवर दरोडा टाकत चोरट्यांनी अडीच लाखांनी भरलेली बॅग लुटून पळ काढला. या घटनेनंतर मुंबई पोलिसांचे पथक बँकेत हजर असून प्रकरणाचा तपास सुरू करण्यात आला आहे(Daytime storm fire at Dahisar State Bank; Death of a bank employee; The robbers looted Rs 2.5 lakh in cash).

    मुंबई : दिवसाढवळ्या काही दरोडेखोरांनी मुंबईतील दहिसर भागातील स्टेट बँक ऑफ इंडियाच्या शाखेत घुसून लुटमारीच्या उद्देशाने गोळीबार केला. या गोळीबारात बँक कर्मचारी गंभीर जखमी होवून त्याचा रुग्णालयात मृत्यू झाला. तर बँकेचा सुरक्षा रक्षक जखमी झाला आहे. बँकेवर दरोडा टाकत चोरट्यांनी अडीच लाखांनी भरलेली बॅग लुटून पळ काढला. या घटनेनंतर मुंबई पोलिसांचे पथक बँकेत हजर असून प्रकरणाचा तपास सुरू करण्यात आला आहे(Daytime storm fire at Dahisar State Bank; Death of a bank employee; The robbers looted Rs 2.5 lakh in cash).

    अतिरिक्त पोलीस आयुक्त प्रवीण पडवळ यांनी सांगितले, एमएचबी पोलीस ठाण्याच्या हद्दीतील दहिसरच्या एसव्ही रोडवरील स्टेट बँक ऑफ दहिसरच्या दहिसर शाखेत बुधवारी सायंकाळी ३.२५ वाजता २ मुखवटाधारी दरोडेखोर बँकेत घुसले. बँकेतील कॅश काउंटरजवळ असलेल्या संदेश गोमरे (२५) यांच्याकडे त्या दोघांनी काउंटरवर ठेवलेली रोकड भरलेली बॅग उचलण्याचा प्रयत्न केला.

    संदेशने त्यांना रोखण्याचा प्रयत्न केला असता एका दरोडेखोराने संदेशच्या छातीत पिस्तुलातून गोळी झाडली. त्यावेळी दुसऱ्या साथीदाराने बँकेत उपस्थित असलेल्या सुरक्षा रक्षकावर गोळीबार करण्याचा प्रयत्न केला मात्र तो थोडक्यात बचावले असून सुरक्षारक्षक जखमी झाला आहे. दोन्ही कर्मचारी जखमी झाल्यानंतर हल्लेखोरांनी काउंटरवर ठेवलेली बॅग घेऊन मीरा रोडच्या दिशेने पायी पळ काढला.

    सुरक्षारक्षकावर उपचार सुरू

    घटनेची माहिती मिळताच अतिरिक्त पोलीस आयुक्त प्रवीण पडवळ आणि उत्तर मुंबई प्रादेशिक विभागाचे डीसीपी विशाल ठाकूर यांच्यासह संपूर्ण झोनचे पोलीस पथक घटनास्थळी धाव घेतली. या हल्ल्यातील मृत संदेश गोमरे हा विरार येथील रहिवासी असल्याची माहिती पोलिसांनी दिली. तो बँकेत खासगी कर्मचारी म्हणून काम करत होता. जखमी अवस्थेत त्यांना शताब्दी रुग्णालयात दाखल करण्यात आले असता त्यांचा मृत्यू झाला. सुरक्षा रक्षकावर उपचार सुरू आहेत.

    तपासासाठी आठ पथके तयार

    दरोड्याच्या घटनेच्या तपासासाठी पोलिसांची आठ पथके तयार करण्यात आली आहेत. जे सीसीटीव्ही फुटेजच्या आधारे मुंबईच्या वेगवेगळ्या दिशेने तपास करत आहेत. वृत्त लिहेपर्यंत पोलिसांनी एकाला ताब्यात घेतले आहे. फॉरेन्सिक टीमची मदत घेतली जात आहे.