आठवे राज्यस्तरीय राष्ट्रसंत विचार साहित्य संमेलन, अकोल्यात उद्यापासून राष्ट्रसंताच्या विचारांचा जागर!

वंदनीय राष्ट्रसंत श्री तुकडोजी महाराज सेवा समिती अकोला द्वारे आयोजित आठवे राज्यस्तरीय राष्ट्रसंत श्री तुकडोजी महाराज विचार साहित्य संमेलनाचे आयोजन एक जानेवारीपासून अकोल्यात करण्यात आले आहे. दोन दिवस चालणाऱ्या या संमेलनामध्ये राष्ट्रसंतांच्या विचारांचा जागर होणार आहे.

    अकोला (Akola) : वंदनीय राष्ट्रसंत श्री तुकडोजी महाराज सेवा समिती अकोला द्वारे आयोजित आठवे राज्यस्तरीय राष्ट्रसंत श्री तुकडोजी महाराज विचार साहित्य संमेलनाचे आयोजन एक जानेवारीपासून अकोल्यात करण्यात आले आहे. दोन दिवस चालणाऱ्या या संमेलनामध्ये राष्ट्रसंतांच्या विचारांचा जागर होणार आहे.

    अकोल्यात गत सात वर्षापासून वंदनीय राष्ट्रसंत श्री तुकडोजी महाराज सेवा समिती अकोला द्वारा राज्यस्तरीय राष्ट्रसंत श्री तुकडोजी महाराज विचार साहित्य संमेलनाचे आयोजन करण्यात येते. यावर्षी आठवे राज्यस्तरीय संमेलन जानोरकर मंगल कार्यालय येथे पार पडणार आहे. राष्ट्रसंतांच्या विचारांचे आजिवन प्रचारक आचार्य हरिभाऊ वेरुळकर गुरुजी यांच्या मार्गदर्शनात हे संमेलन पार पडणार आहे तर संमेलनाचे अध्यक्षपदी ज्येष्ठ प्रचारक भाऊसाहेब कुटे हे राहणार आहेत तर स्वागताध्यक्षपदी कृष्णा अंधारे यांची निवड करण्यात आली आहे.

    या संमेलनाचे उद्घाटक म्हणून स्वातंत्र्यसेनानी स्व. शंकरराव राऊत यांच्या पत्नी शेवंता राऊत या राहणार आहेत तर प्रमुख पाहुणे म्हणून आचार्य वेरुळकर गुरुजी प्राध्यापक जावेद पाशा, डॉ. विघे गुरुजी, राष्ट्रीय प्रबोधनकार सत्यपाल महाराज, महापौर अर्चनाताई मसने, निवासी उपजिल्हाधिकारी प्रा. संजय खडसे, ज्ञानेश्वर रक्षक, अरविंद देठे, सचिन बुरघाटे, संतोष हुशे, नवनीत लखोटिया, एड. मोतीसिंह मोहता, ललित काळपांडे,रवी मानव, अशोक ओळंबे, कपिल ढोके, धनंजय मिश्रा, प्रा. उमेश चापके आदी मान्यवर उपस्थित राहणार आहेत.

    दरवर्षी पातूर येथील भजनसम्राट स्व. रामभाऊजी गाडगे यांच्या स्मृतिप्रित्यर्थ दिला जाणारा ग्रामगीता जीवन गौरव पुरस्कार प्रदान सोहळा पार पडणार आहे. यामध्ये कमलाबाई किरडे व बाबारावजी गेडाम यांना हा पुरस्कार देऊन सन्मानित करण्यात येणार आहे. त्यानंतर सामुदायिक प्रार्थना पार पडणार आहे. तर साई गजानन भजन मंडळ अकोला यांचे खंजिरी भजन यानंतर पार पडणार आहे.

    या संमेलनामध्ये राष्ट्रीय कवी संमेलनाचे आयोजन करण्यात आले असून या संमेलनाच्या अध्यक्षस्थानी एड.अनंत खेळकर हे राहणार आहेत. सहभागी कवी किशोर बळी, नरेंद्र इंगळे, दिलीप कोहाडे, गोपाल मापारी, गोपाल पोलाड, वैभव भिवरकर, प्रशांत भोंडे, प्रा. संगीता बढे, बबलू तायडे, राजेश काटोले आदींची उपस्थिती असणार आहे.