Ahmednagarश्रीगोंद्याच्या माजी नगराध्यक्षा श्यामला ताडे यांची गळफास घेऊन आत्महत्या

श्रीगोंदा / नवराष्ट्र न्यूज नेटवर्क : श्रीगोंदा शहराचे नगराध्यक्षपद भूषविलेल्या श्यामला मनोज ताडे (Shyamla Tade) (वय ४०) यांनी गळफास घेऊन आत्महत्या केल्याची (Former Mayor Suicide) घटना घडली. राहत्या घरामध्ये गळ्याभोवती साडी गुंडाळलेला फॅनला लटकलेल्या अवस्थेत त्यांचा मृतदेह आढळला. सोमवारी (दि.२०) पहाटे तीनच्या सुमारास ही घटना घडली. किरण दगडू ताडे (वय ४३) यांनी श्रीगोंदा पोलीस स्टेशनला या घटनेबाबत माहिती दिली आहे.

श्यामला ताडे या श्रीगोंदा नगरपालिकेमध्ये सहा महिन्यांच्या कालावधीसाठी नगराध्यक्षपदावर कार्यरत होत्या. अनुसूचित जाती प्रवर्गातून आरक्षित जागेवर त्या निवडून आल्या होत्या. ही घटना धनश्री अपार्टमेंट श्रीगोंदा येथे त्यांच्या राहत्या घरात घडली. पोलीस कर्मचारी विकास वैराळ यांनी या घटनेनंतर आकस्मिक मृत्यूची नोंद केली असून, पोलीस कर्मचारी खारतोडे हे तपासी अधिकारी आहेत. पोलीस निरीक्षक रामराव ढिकले यांनी घटनास्थळी भेट दिली असून, पुढील तपास सुरु केला आहे.