तेलंगणा निवडणुकीपूर्वी काँग्रेससाठी मोठी बातमी ; स्टॅलिनच्या द्रमुकचाही मिळणार पाठिंबा

तेलंगणामध्ये यावेळी काँग्रेस आणि बीआरएस यांच्यात थेट लढत आहे. काँग्रेसच्या विजयाची शक्यता पाहून डीएमके आणि वायएसआर तेलंगणाने काँग्रेसला पाठिंबा दिला आहे.

    30 नोव्हेंबर रोजी तेलंगणामध्ये आगामी विधानसभा निवडणुकीसाठी मतदान होण्यापूर्वी काँग्रेससाठी एक चांगली बातमी समोर आली आहे. तामिळनाडूचे मुख्यमंत्री एमके स्टॅलिन यांच्या नेतृत्वाखालील पक्ष द्रविड मुन्नेत्र कळघम (डीएमके) ने मंगळवारी (२१ नोव्हेंबर) सांगितले की, आगामी तेलंगणा विधानसभा निवडणुकीत काँग्रेसला पाठिंबा देण्याचा निर्णय घेतला आहे.

    डीएमकेने मंगळवारी (२१ नोव्हेंबर) जारी केलेल्या निवेदनात म्हटले आहे की, “त्यांच्या सर्व कार्यकर्त्यांनी तेलंगणात निवडणूक लढवणाऱ्या काँग्रेस उमेदवारांच्या विजयासाठी काम करावे.” DMK हा तामिळनाडूमधील काँग्रेसचा मित्रपक्ष आहे आणि दोन्ही पक्ष पुढील वर्षीच्या लोकसभा निवडणुकीत भाजपच्या नेतृत्वाखालील NDA विरुद्ध लढण्यासाठी स्थापन केलेल्या I.N.D.I.A युतीचा भाग आहेत.

    वायएसआर तेलंगणानेही पाठिंबा दिला

    काही दिवसांपूर्वी वायएसआर तेलंगणा पक्षाने काँग्रेसला पाठिंबा देत तेलंगणा विधानसभा निवडणूक लढवणार नसल्याचे जाहीर केले होते. त्यानंतर आंध्र प्रदेशचे मुख्यमंत्री वायएस जगन मोहन रेड्डी यांची बहीण वायएस शर्मिला यांनी काँग्रेसच्या मतांची विभागणी होऊ नये म्हणून तेलंगणात निवडणूक न लढवण्याचा निर्णय घेतल्याचे सांगितले होते. राज्यात सत्तापरिवर्तन होण्याची शक्यता असताना सरकारविरोधी मतांची विभागणी करून तिला अडथळा बनायचा नाही. आता द्रमुकच्या पाठिंब्याची घोषणा हे मोठे पाऊल मानले जात आहे.

    यावेळी काँग्रेस आणि बीआरएस यांच्यात लढत

    यावेळी तेलंगणा विधानसभा निवडणुकीत सत्ताधारी भारत राष्ट्र समिती (BRS) आणि काँग्रेस यांच्यात चुरशीची लढत आहे. मात्र, भारतीय जनता पक्षही विजयाचा दावा करत आहे. या सगळ्यात ओवेसींची एआयएमआयएमही अनेक जागांवर निवडणूक लढवत आहे. तेलंगणाच्या 119 विधानसभा जागांसाठी 30 डिसेंबरला मतदान झाल्यानंतर 3 डिसेंबरला मतमोजणी होणार आहे. यापूर्वी, 2018 मध्ये झालेल्या निवडणुकीत BRS (पूर्वी TRS) ने 88 जागा जिंकल्या होत्या. काँग्रेस आघाडीला 11 जागा मिळाल्या होत्या. गेल्या निवडणुकीत भाजपला 1 जागा मिळाली होती.