पंधरा लाखाच्या कर्जाचे आमिष दाखवून करायचे फसवणूक; पाच राज्यात आरोपींचे नेटवर्क

शहरातील सुरक्षित बेरोजगाराला मुद्रा कॅपिटल फायनान्स मधून कर्ज मंजूर केले जाते अशी बतावणी करत नोव्हेंबर महिन्यात ५७ हजार ५०२ रुपयांचा गंडा घातला या प्रकरणी अवधूत वाडी पोलिसांनी फसवणुकीचा गुन्हा दाखल केला होता.

    यवतमाळ (Yavatmal) : शहरातील सुशिक्षित बेरोजगाराला मुद्रा कॅपिटल फायनान्स मधून कर्ज मंजूर केले जाते अशी बतावणी करत नोव्हेंबर महिन्यात ५७ हजार ५०२ रुपयांचा गंडा घातला. या प्रकरणी अवधूत वाडी पोलिसांनी फसवणुकीचा गुन्हा दाखल केला होता. पाच राज्यात आरोपीचा शोध घेऊन या भागाचा टोळीतील दोघांना दिल्लीमधून अटक केली त्यांच्याकडून धक्कादायक माहिती हाती लागली आहे.

    विजय कुमार रामचरण पाल (४५,रा. रमेश नगर, दिल्ली),विनोद जमुनाप्रसाद सोनी (३५,रा. छिंदवाडा मध्यप्रदेश अशी अटक करण्यात आलेल्या आरोपींची नावे आहेत. या आरोपीच्या टोळीने कॅपिटलमुद्रा फायनान्स यांच्याकडून १५ लाखाचे कर्ज देतो अशी बतावणी केली बेरोजगार असलेला विजय भालचंद्र फटकारे या युवकाला जाळ्यात ओढले.

    फोनवर बोलणाऱ्या या नामक महिलेने सांगितल्याप्रमाणे आधार कार्ड, पॅन कार्ड,बँक खात्याचे स्टेटमेंट हे दस्तावेज पडताळणीला पाठविले नंतर १६ सप्टेंबरला कर्ज अग्रीम हप्ता ३८ हजार रुपये कॅनरा बँकेच्या खात्यात जमा करण्यास सांगितले. नंतर विमा काढण्यासाठी ३७ हजार ५०० रुपये जमा करण्यास सांगितले फटकारे यांनी पूर्ण विश्वास ठेवून वेळोवेळी पैसे जमा केले. मात्र, नंतर गुंतवणुकदार मिळत नसल्याने कर्ज मिळणार नाही असे सांगितले.

    या गुन्ह्याचा तपास अवधूतवाडी ठाणेदार मनोज केदारे यांनी सहाय्यक निरीक्षक धीरेंद्रसिंग बिलवाल यांच्याकडे सोपविला. बिलवाल यांनी शिपाई सुधीर पिदुरकर याला सोबत घेऊन मध्यप्रदेश, झारखंड, बिहार, उत्तर प्रदेश,दिल्ली अशा विविध ठिकाणी आरोपीचा शोध घेतला या टोळीतील दोघे जण त्यांच्या हाती लागले इतर साथीदार कुणकुण लागल्याने पसार झाले. या आरोपीकडून फसवणुकीचे आणखी गुन्हे उघडकीस येण्याची शक्यता आहे. फसवणूकीचा नवा फंडा या घटनेमुळे पुन्हा एकदा चर्चेत आला आहे.