धक्कादायक म्हणजे गांजा सेवन करणारे हे सगळे चांगल्या ठिकाणी काम करणारे असून त्यापैकी एक बी टेक शिक्षक आहे.
कल्याण-डोंबिवली : कल्याण पूर्वेत कोळसेवाडी पोलिसांनी अंमली पदार्थांच्या विरोधात मोठी कारवाई केली आहे. पोलिसांनी ठिकठिकाणी छापे टाकत अंमली पदार्थाचे सेवन करणाऱ्या आठ तरुणांना ताब्यात घेतले आहे. तर हा गांजा पुरविणारा नानिकराम मंगलानी याला देखील पोलिसांनी बेड्या ठोकल्या आहेत. धक्कादायक म्हणजे गांजा सेवन करणारे हे सगळे चांगल्या ठिकाणी काम करणारे असून त्यापैकी एक बी टेक शिक्षक आहे.
कल्याण डोंबिवलीत गांजाची तस्करी सुरु असल्याची बाब लक्षात आल्यानंतर याकडे पोलिसांनी गांभीर्याने लक्ष देऊन कारवाई करावी अशी मागणी नागरीकांकडून केली जात हेाती. काही दिवसांपासून कल्याण डोंबिवली डीसीपी सचिन गुंजाळ यांच्या मार्गदर्शनाखाली प्रत्येक पोलिस ठाण्याच्या स्तरावर अंमली पदार्थांच्या विरोधात कारवाई करण्यात आली आहे. या प्रकरणी अनेक लोकांना अटकही करण्यात आली आहे. मात्र गांजा सेवन करणाऱ्यांची संख्या वाढल्याने पालक, नागरीक आणि पोलिसांची डोकेदुखी वाढली आहे.
काही दिवसांपूर्वी कोळसेवाडी पोलिस स्टेशनमध्ये सर्व पक्षीय नागरीकांनी मोर्चा काढला होता. अंमली पदार्थांच्या विरोधात पोलिसांनी कारवाई तीव्र करावी अशी मागणी केली होती. कोळसेवाडी पोलिस ठाण्याचे वरिष्ठ पोलीस निरीक्षक महेंद्र देशमुख यांच्या मार्गदर्शनाखाली कोळसेवाडी पोलिस ठाण्याचे एक पथक कल्याण पूर्वेतील ठिकठिकाणी दाखल झाले.
गांजा तस्करी करणाऱ्या ८ तरुणांना ताब्यात घेतले. हे तरुण उच्चभ्र तरुण शिकलेले असून चांगल्या घरातील आहेत. त्यापैकी एक बी टेक शिक्षक आहे. या तरुणांना गांजा पुरविणाऱ्या नानिकराम मंगलानी याला पोलिसांनी अटक केली आहे. तो खडेगोळवली परिसरात राहतो तो अनेक ठिकाणी गांजा पुरवितो. तो कुठून गांजा मागवितो. तो कोणाला विकतो याचा तपास कोळसेवाडी पोलिस करीत आहेत.
Loading ...