शव नेण्यासाठी महापालिकेकडे रुग्णवाहिका उपलब्ध होत नाही तर दुसरीकडे त्या रुग्णवाहिकेचा वापर रद्दी नेण्यासाठी केला जात आहे.
कल्याण : कल्याण डोंबिवली महापालिका आरोग्याविषयी किती गंभीर आहे. याचा प्रत्यय अनेकदा आला आहे. काही दिवसांपूर्वी महापालिकेच्या रुग्णवाहिकेतून रद्दी नेली जात असल्याचा व्हीडीओ समोर आला होता. आत्ता एक मृतदेह भर रस्त्यातून स्ट्रेचरवर घेऊन जात असल्याचा व्हिडिओ समोर आला आहे. म्हणजे शव नेण्यासाठी महापालिकेकडे रुग्णवाहिका उपलब्ध होत नाही तर दुसरीकडे त्या रुग्णवाहिकेचा वापर रद्दी नेण्यासाठी केला जात आहे. हा एक संवेदनशील विषय आहे. या प्रकरणी महापालिका आयुक्त आत्ता काय कारवाई करतात हे पाहणे महत्वाचे ठरणार आहे.
कल्याण डोंबिवली महापालिकेची दोन रुग्णालये आहेत. डोंबिवलीत शास्त्रीनगर तर कल्याणमध्ये रुक्मीणीबाई रुग्णालय आहे. या दोन्ही रुग्णालयांमध्ये रुग्णांची उपचार घेण्यासाठी गर्दी असते. वेळोवेळी या रुग्णालयात नागरीकांना उपचार योग्य प्रकारे मिळत नाही अशा प्रकारच्या तक्रारी नागरीकांकडून केल्या जात आहे. रुग्णालयामध्ये डॉक्टरची कमतरता आहे. तसेच आरोग्य विषय सोयी सुविधा मिळत नाहीत. आरोग्य व्यवस्था सुरळीत करण्याकरीता वारंवार प्रश्न उपस्थित केला गेला आहे. प्रशासन नेहमी आश्वासन देत राहते. काही दिवसांपूर्वी एका रुग्णवाहिकेतून रद्दी नेली जात होती. महापालिकेच्या डोंबिवली विभागीय कार्यालयात रुग्णवाहिकेचा वापर करुन दुसऱ्या ठिकाणी पोहोचवली गेली.
रुग्णवाहिकेचा वापर रुग्णांसाठी न करता रद्दी वाहण्यासाठी केला गेला. तर दुसरीकडे एक व्हिडिओ समोर आला. या व्हिडीओमध्ये दिसत आहे एक हमाल भर रस्त्यातून स्ट्रेचरवर मृतदेह घेऊन रुग्णालयाच्या दिशेने जात आहे. छत्रपती शिवाजी चौक ते रुक्मीणीबाई रुग्णालयात जातानाचा हा व्हिडिओ आहे. मृतदेह नेण्यासाठी स्ट्रेचरचा वापर केला जात आहे. तर दुसरीकडे रद्दी नेण्यासाठी रुग्णवाहिकेचा वापर केला जात आहे. या घटनेमुळे महापालिकेचा भोंगळ कारभार समोर आला आहे. रुक्णीमीबाई रुग्णालायाचे मुख्य अधीक्षक डॉक्टर’ पुरुषोत्तम टिके यानी सांगितले की, हा मृतदेह बाजारपेठ पोलीस ठाण्याच्या हद्दीत सापडला होता. आम्हाला यासंदर्भात पोलिसांनी माहिती दिली नाही. आम्हाला माहिती दिली असती तर रुग्णवाहिका पाठविली असती.
Loading ...