पोलिसांनी प्रवेशव्दारावरील सीसीटीव्ही फुटेज तपासले असता अज्ञात आरोपी घरात प्रवेश करताना दिसत आहेत. श्वान पथकाच्या मदतीने आरोपींचा शोध घेण्याचा प्रयत्न सुरु आहे.
नागपूर: ऐन दिवाळीच्या दिवशी नागपुरात एका व्यापाराच्या घरी मोठी चोरी झाली आहे. क्वेटा कॅालनीतील व्यापाराने लक्ष्मीपुजनाच्या दिवशी पुजा करताना लक्ष्मीमातेची चांदीची मूर्ती, सोन्याचे बिस्किट आणि रोख रक्कम ठेवली होती. मात्र, मध्यरात्रीच्या सुमारास चोरट्यांनी घरात घुसून देवघराती या सर्व मूर्तीसह इतरही साहित्य चोरून नेलं. या प्रकरणी लकडगंज पोलिसांनी अज्ञात आरोपी विरूध्द गुन्हा नोंदविण्यात आला आहे.
नेमकं काय घडलं?
मिळालेल्या माहितीनुसार, नागपुरातील क्वेटा कॉलनी येथील रहिवासी फिर्यादी मनीष सुगंध हे किराण्याचे होलसेल व्यापारी आहेत. मस्कासाथ येथे त्यांचं दुकान आहे. क्वोटा कॅालनी परिसरातील त्यांच्या घरी दिवाळीच्या दिवशी मोठी चोरी झाली. सोमवारी सकाळच्या सुमारास त्यांना घरात चोरी झाल्याचं लक्षात आलं. मनीष यांनी लक्ष्मीपूजनाला घरातील चांदीच्या तीन मूर्ती, सोन्याचे ९ बिस्किट, चांदीचे सिक्के आणि ८० हजार रुपये रोख असा एकूण १० लाख रूपयांचा मुद्देमाल पूजेसाठी ठेवला. पूजा आटोपल्यानंतर हे कुटुंब झोपी गेले. ही संधी साधून अज्ञात चोरांनी घरात प्रवेश करुन लक्ष्मीच्या मूर्तीसह १० लाखा रुपयांचा संपूर्ण मुद्देमाल चोरून नेला.
दरम्यान सकाळी उठल्यावर मनीष यांना पुजेसाठी ठेवलेले संपूर्ण सोन्या चांदीचे दागिने मिळून आले नाही. लगेच त्यांनी पोलिसांनी माहिती दिली. पोलिसांनी प्रवेशव्दारावरील सीसीटीव्ही फुटेज तपासले असता अज्ञात आरोपी घरात प्रवेश करताना दिसत आहेत. श्वान पथकाच्या मदतीने आरोपींचा शोध घेण्याचा प्रयत्न सुरु आहे.
Loading ...