वाशिमच्या पोलीस अधीक्षकांवर लोकप्रतिनिधींची नाराजी; विधानसभेत प्रश्न उपस्थित

जिल्ह्यात नवीन पोलीस अधीक्षक बच्चन सिंग रुजू झाल्यानंतर वाशिम जिल्ह्यातील मालेगाव व्यापारीची लुटीसाठी गोळीबार करून केलेल्या हत्येच्या प्रकाराला दोन दिवस उलटून ही आरोपी मोकाटच आहे.

    वाशिम (Washim) : जिल्ह्यात नवीन पोलीस अधीक्षक बच्चन सिंग रुजू झाल्यानंतर वाशिम जिल्ह्यातील मालेगाव व्यापारीची लुटीसाठी गोळीबार करून केलेल्या हत्येच्या प्रकाराला दोन दिवस उलटून ही आरोपी मोकाटच आहे. त्याबद्दल रिसोड मतदारसंघाचे काँग्रेस आमदार अमित झनक यांनी विधानसभेत प्रश्न उपस्थित केला तर पोलीस अधीक्षकाच्या कार्यपद्धतीवर प्रश्न उपस्थित करत माजी केंद्रीय राज्य मंत्री संजय धोत्रे आणि अकोला पूर्वचे आमदार रणधीर सावरकर यांनी पत्राद्वारे जिल्हा पोलीस अधीक्षकांना आपली नाराजी व्यक्त केली आहे.

    वाशिम जिल्ह्याच्या मालेगाव येथील सराफा व्यापारी योगेश अंजनकर व त्याचा सहकारी कामगार रवी वाळेकर हे दोघे दिनांक २१ डिसेंबरला रात्री पावणे नऊच्या दरम्यान दुकान बंद करून घरी परतत असताना पाळत ठेवून असलेले तीन मोटरसायकल वरील पाच ते सहा दरोडेखोरांनी शहराच्या मध्यवस्तीत आडवून त्यांच्या डोळ्यात मिरची पूड टाकली व चाकूने हल्ला केला. दरम्यान सराफा व्यापारी योगेश अंजनकर व रवी वाळेकर यांच्या जवळ असलेली बॅग लुटण्याचा प्रयत्न केला मात्र रवी वाळेकर याने जास्त प्रमाणात प्रतिकार केल्यामुळे दरोडेखोरांनी बंदुकीची गोळी झाडली.

    त्यामध्ये रवी वाळेकर हा जमिनीवर कोसळला बंदुकीच्या गोळीचा आवाज ऐकून परिसरातील लोकांनी घटनास्थळाकडे धाव घेतली. तेवढ्यात दरोडेखोरांनी दोनशे ग्रॅम सोने व काही पैसे आणि वही खाते असलेली बॅग घेऊन पोबारा केला. अंजनकर व वाळेकर दोघेही गंभीर जखमी अवस्थेत असताना तेथील लोकांनी त्यांना मालेगाव येथील प्राथमिक रुग्णालय दाखल केले प्राथमिक उपचार करून त्यांना तात्काळ वाशिम जिल्हा सामान्य रुग्णालयात हलविण्यात आले मात्र रवी वाळेकर याचा मधातच दुर्दैवी मृत्यू झाला. या घटनेने मालेगाव शहरात दहशत पसरली आहे.

    माजी केंद्रीय मंत्री तथा खासदार संजय धोत्रे व भाजपाचे अकोला जिल्हाध्यक्ष तथा अकोल्याचे आमदार रणधीर सावरकर यांनी अमरावतीचे पोलीस महानिरीक्षक यांच्याशी चर्चा करून वाशिचे जिल्हा पोलीस अधीक्षक बच्चन सिंह यांना चार दिवस उलटले असताना पोलिसांकडून अद्यापही आरोपींना शोधण्यात अपयश आलेले आहे. अशी नाराजी व्यक्त केली. तर काँगेसचे आमदार अमित झनक यांनी अधिवेशनात प्रश्न उपस्थित केला.