पत्नीला मतदान करतानाचा फोटो व्हॉट्सअॅप स्टेटसवर ठेवला; मतदानाच्या गोपनियतेचा भंग केल्याचा प्रताप

बुलडाणा जिल्हयातील मोताळा नगरपंचायतीच्या सार्वत्रिक निवडणूकीत येथील प्रवीण शरदचंद्र शेळके-पाटील यांची पत्नी वृषाली प्रवीण शेळके-पाटील या मोताळा नगरपंचायत मधील प्रभाग १५ मधून निवडणूक रिंगणात उभ्या होत्या आणि या निवडणुकीसाठी २१ डिसेबरला मंगळवारी मतदान घेण्यात आले. दरम्यान, मोताळा येथील जिल्हा परिषद मराठी प्राथमिक शाळा क्र.१ मधील मतदान केंद्र क्र. १५ मध्ये प्रभाग १५ करिता मतदान झाले. यावेळी प्रवीण शरदचंद्र शेळके - पाटील यांनी उमेदवार असलेली त्यांची पत्नी वृषाली प्रवीण शेळके-पाटील यांच्या निवडणूक चिन्हाला मतदान करताना ईव्हीएम मशीन बॅलेटिंग युनिटचा मोबाईलमध्ये फोटो काढला.

    बुलडाणा (Buldana) : एका महिला उमेदवाराच्या पतीने स्वतःच्या पत्नीच्या निवडणूक चिन्हावर मतदान करतानाचा फोटो काढून मोबाईलच्या स्टेट्सवर ठेवला व मतदानाच्या गोपनियतेचा भंग केल्याचा प्रताप समोर आला आहे. याप्रकरणी बोराखेडी पोलिसांनी आरोपीविरुद्ध बुधवारी सायंकाळी मतदान केंद्रप्रमुख प्रकाश अर्जुन घेवंदे यांच्या तक्रारीवरून गुन्हा दाखल करण्यात आला आहे.

    बुलडाणा जिल्हयातील मोताळा नगरपंचायतीच्या सार्वत्रिक निवडणूकीत येथील प्रवीण शरदचंद्र शेळके-पाटील यांची पत्नी वृषाली प्रवीण शेळके-पाटील या मोताळा नगरपंचायत मधील प्रभाग १५ मधून निवडणूक रिंगणात उभ्या होत्या आणि या निवडणुकीसाठी २१ डिसेबरला मंगळवारी मतदान घेण्यात आले. दरम्यान, मोताळा येथील जिल्हा परिषद मराठी प्राथमिक शाळा क्र.१ मधील मतदान केंद्र क्र. १५ मध्ये प्रभाग १५ करिता मतदान झाले. यावेळी प्रवीण शरदचंद्र शेळके – पाटील यांनी उमेदवार असलेली त्यांची पत्नी वृषाली प्रवीण शेळके-पाटील यांच्या निवडणूक चिन्हाला मतदान करताना ईव्हीएम मशीन बॅलेटिंग युनिटचा मोबाईलमध्ये फोटो काढला. त्यानंतर मतदारांना प्रभावित करण्यासाठी सदर फोटो व्हॉट्सएप स्टेट्सवर ठेवला.

    ही घटना मंगळवारी सकाळी आठ वाजताच्या सुमारास घडली. या प्रकारामुळे मतदानाच्या गोपनियतेचा भंग झाला असून, मतदार प्रभावित झाल्याची खात्री झाली आहे, अशी तक्रार मतदान केंद्रप्रमुख प्रकाश अर्जुन घेवंदे यांनी बोराखेडी पोलिसांत दिली आहे. त्यामुळे मोताळा शहरासह राजकीय वर्तुळात एकच खळबळ उडाली आहे. याप्रकरणी उपरोक्त तक्रारीवरून बोराखेडी पोलिसांनी आरोपी प्रवीण शरदचंद्र शेळके-पाटील याच्याविरुद्ध गुन्हा दाखल केला आहे. पुढील तपास पीएसआय अशोक रोकडे करीत आहेत.