गेल्या दहा वर्षांत शाखांची इमारत बांधकामे, शिष्यवृत्ती निधीत कोट्यवधींची वाढ, संस्कार, शिक्षण व आरोग्य उपक्रम, स्थावर मालमत्तेत झालेली कोट्यवधी रुपयांची वाढ, समाज संपर्क, श्री क्षेत्र स्तवनिधीचा विकास, सभागृह बांधणी असा चौफेर विकास झाला आहे.
जयसिंगपूर / नवराष्ट्र न्यूज नेटवर्क : दक्षिण भारत जैन सभेचे अध्यक्ष रावसाहेब पाटील दादा यांच्या नेतृत्वाखाली संस्कार, शिक्षण व आरोग्य उपक्रमातून जैन समाजातील शेवटच्या घटकांपर्यंत सभा पोहचली आहे. सभेचे शंभरावे अधिवेशन भव्य दिव्य स्वरुपात संपन्न होण्यासाठी सर्वतोपरी प्रयत्न करणार आहे. मुख्यमंत्री उध्दव ठाकरे यांनी अधिवेशनाला उपस्थित राहण्याचे मान्य केले आहे. लवकरच त्यांची तारीख निश्चित करण्यात येईल, असे अधिवेशनाचे स्वागताध्यक्ष व राज्याचे आरोग्य राज्यमंत्री राजेंद्र पाटील यड्रावकर यांनी सांगितले. ते बोरगाव ता. चिकोडी येथे अरिहंत सभागृहात सभेच्या शंभराव्या अधिवेशनाचे बोधचिन्ह अनावरण कार्यक्रमात ते बोलत होते.
१०० व्या अधिवेशनाच्या बोधचिन्हाचे अनावरण करण्यात आले. अध्यक्षस्थानी सभेचे अध्यक्ष रावसाहेब पाटील होते. रावसाहेब पाटील म्हणाले, गेल्या दहा वर्षांत शाखांची इमारत बांधकामे, शिष्यवृत्ती निधीत कोट्यवधींची वाढ, संस्कार, शिक्षण व आरोग्य उपक्रम, स्थावर मालमत्तेत झालेली कोट्यवधी रुपयांची वाढ, समाज संपर्क, श्री क्षेत्र स्तवनिधीचा विकास, सभागृह बांधणी असा चौफेर विकास झाला आहे. सभेचे शंभरावे अधिवेशन सांगलीत होत आहे. या अधिवेशनात सभेने केलेले काम व भविष्यातील संकल्प यावर चर्चा होईल व केंद्र आणि राज्य सरकारच्या विविध सवलतीच्या योजनांचा लाभ जैन समाजाला होण्यासाठी मुख्यमंत्र्यांना निवेदन देण्यात येणार आहे.
तसेच अधिवेशनानिमित्त जनजागृती दिंडी आयोजन व वंदनीय भट्टारक संमेलन भरविण्यात येईल.
प्रारंभी मुख्य महामंत्री डाॅ. अजित पाटील यांनी स्वागत व प्रास्ताविक केले व महिला परिषद, वीर महिला मंडळ, वीर सेवा दल आणि पदवीधर संघटना या सभेच्या शाखांची अधिवेशने होतील अशी माहिती दिली.
सभेचे चेअरमन रावसाहेब जिनगोंडा पाटील यांनी अधिवेशन समिती पदाधिकारी निवड व विविध समित्या गठणाबाबत माहिती दिली व हे अधिवेशन भव्य दिव्य स्वरुपात संपन्न होण्यासाठी स्मरणिका जाहिरात व निधी संकलन कामी शाखांचे पदाधिकारी व कार्यकारी मंडळ सदस्यांनी गावोगावी संपर्क साधून जाहिरात व निधी संकलनासाठी सहकार्य करावे असे आवाहन केले.
सुरेश पाटील यांनी परिसंवाद व सांस्कृतिक कार्यक्रमांचे आयोजन करण्याची सूचना करुन स्थायी स्वरुपात समाजोपयोगी प्रकल्प पूर्ण करण्यासाठी सीएसआर निधी उभारण्यात यावा अशी सूचना केली.
यावेळी व्हा. चेअरमन माधव डोर्ले, मुख्यमहामंत्री डाॅ. अजित पाटील, खजिनदार संजय शेटे, सहखजिनदार पा. पा. पाटील, अधिवेशन कार्याध्यक्ष सुरेश पाटील, सेक्रेटरी प्रा. एन. डी. खजिनदार सागर वडगावे, बिरनाळे, उपाध्यक्ष डॉ. अण्णासाहेब चोपडे,सुरेश पाटील, राजाराम पाटील, समडोळी, जॉइन्ट सेक्रेटरी अरुण यलगुद्री, सुदर्शन हेरले आदी उपस्थित होते.
Loading ...