- दूग्ध विकास मंत्री राधाकृष्ण विखे पाटील यांना दिपक भोसले यांचा इशारा; दूध दर वाढीविरोधात सर्व शेतकरी संघटनांचा रास्तारोको
पंढरपूर : कमी केलेले दुधाचे दर पुर्ववत करा, अन्यथा २५ मे पासून जिल्ह्यात फिरू देणार नाही. असा इशारा रयत, क्रांती संघटनेचे राज्य कार्याध्यक्ष दिपक भोसले, स्वाभिमानी शेतकरी संघटनेचे नेते सचिन पाटिल, शेतकरी नेते समाधान फाटे यांनी पालकमंत्री व राज्याचे दूग्ध विकास मंत्री राधाकृष्ण विखे पाटील यांना दिला.उपरी येथील पंढरपूर-सातारा महामार्गावर उपरीत येथे दूध दर वाढीसाठी सर्व शेतकरी संघटना, दूध उत्पादक शेतकरी व राजकीय पक्ष यांच्या वतीने रस्ता रोको करण्यात आला.
यावेळी दूधाचे दर खासगी दूध संघाचे चेअरमन सोनाई व नेचर यांनी जाणूनबूजून दूधाचे दर कमी केले आहेत. आम्ही त्यांना सुध्दा इशारा दिला आहे, तुम्ही दुधाचे दर पुर्ववत करा अन्यथा २५ मे पासून तुमचे दुधाचे टॅकर फिरू देणार नाही. कोरोनाच्या महामारीने व निसर्गाच्या अवकृपेनेसर्व शेतकरी उद्ध्वस्त झाला आहे, जर सरकार शेतकऱ्यांच्या पाठीशी उभे नाही राहिले तर आत्महत्या शिवाय पर्याय राहिलेला नाही. सोलापूर जिल्ह्यातील ऊस उत्पादक शेतकरणाऱ्या ऊस जावून चार पाच महिने झाले कांही कारखान्यांना बिल दिली नाहीत, दुधाचे पैसे दहा दिवसाला येतात, त्यामुळे दूध धंदा तोट्यात असताना सुध्दा शेतकरी दूध व्यवसाय करत आहे. नोकरी मिळत नाही म्हणून शेतीला जोड धंदा म्हणून मुल दूध व्यवसाय करत आहेत. तरी सरकारने लवकरात लवकर बैठक घेऊन दुध दर वाढीचा निर्णय घ्यावा अशी मागणी करण्यात आली आहे.
यावेळी दिपक भोसले, समाधान फाटे,सचिन पाटिल अरूण आसबे, रणजित बागल छगन पवार, बाळासाहेब बोबडे, सचिन आटकळे, विश्रांती भुसनर, निवास नागणे साहेबराव नागणे, शहाजी जगदाळे, उपरीत गावचे सर्व दुध उत्पादक शेतकरी ग्रामस्थ सर्व शेतकरी संघटनेचे पदाधिकारी राजकीय पक्षाचे कार्यकर्ते उपस्थित होते.
दूध संघाचे अॅडीट करा
दूध उत्पादक शेतकऱ्यांना मागण्या पुढीलप्रमाणे; गाईच्या दुधाला प्रती लिटर ४० व म्हशीच्या दुधाला ७० रूपये दर मिळाला पाहिजे. ऊसाच्या एफ. आर. पी. सारखी दूधाला एफ. आर. पी. प्रमाणे दर द्या. भेसळ दूधावर कार्यवाही करून त्याच्यावर देशद्रोहाचा गुन्हा दाखल करावा. लंप्पीच्या आजारावर मोफत लसीकरण करण्यात यावा. खासगी व सहकारी दूध संघाचे अॅडीट करून दूध व्यवसायात पारदर्शकता असावी.
Loading ...