दाऊद इब्राहिमशी संबंध जोडल्याने शरद पवार यांच्या जीवाला धोका; वादग्रस्त वक्तव्यामुळे राणे बंधूं नव्या संकटात!

    मुंबई : केंद्रीय मंत्री नारायण राणे आणि त्यांचे आमदारपूत्र नितेश राणे यांची नऊ तास चोकशी मुंबई पोलिसांनी केली. त्यानंतर आता नव्या प्रकरणात माजी खासदार निलेश राणे यांनी राष्ट्रवादी काँग्रेसचे अध्यक्ष खासदार शरद पवार यांचा दाऊद इब्राहिमशी संबंध जोडल्याचे वक्तव्य केल्याने राणे बंधूंविरोधात नव्याने गुन्हा दाखल करण्यात आला आहे. मुंबईतील मरीन ड्राइव्ह पोलीस ठाण्यात गुन्ह्याची नोंद करण्यात आली आहे(Sharad Pawar’s life in danger due to connection with Dawood Ibrahim; Rane Brothers in new crisis due to controversial statement!).

    नितेश राणे यांच्या वक्तव्याने हिंदू-मुस्लिम गटात तेढ

    राष्ट्रवादी युवक काँग्रेचे कार्याध्यक्ष सूरज चव्हाण यांच्या तक्रारी नंतर गुन्ह्याची नोंद करण्यात आली आहे. जाणीवपूर्वक हिंदू मुस्लिम मुस्लिम तेढ निर्माण करून दंगल घडतील असे भाष्य केल्याची प्राथमिक गुन्हा (एफआयआर) नोंदविण्यात आला आहे. या एफआयआरमध्ये म्हटले आहे की, नितेश राणे यांनी आझाद मैदानावर बोलताना नवाब मलिक यांचा राजीनामा का घेत नाहीत अशी विचारणा शरद पवारांना केली. वास्तविकरित्या राजीनामा घेण्याचा निर्णय हा मुख्यमंत्री आणि सरकारचा आहे. पण अनिल देशमुखांचा मराठा म्हणून राजीनामा घेतला पण नवाब मलिक मुस्लिम असल्याकारणाने त्यांचा राजीनामा घेतला नाही, असे नितेश राणे यांनी म्हणाले होते. त्यामुळे नितेश राणे यांच्या वक्तव्याने हिंदू-मुस्लिम गटात तेढ, द्वेष निर्माण करण्याचा प्रयत्न झाला आहे, असे तक्रारीत म्हटले आहे.

    शरद पवार हे दाऊदचा माणूस आणि पाकिस्तानचा एजंट

    या तक्रारीत माजी खासदार निलेश राणे यांनी शरद पवार हे दाऊदचा माणूस आणि पाकिस्तानचा एजंट असल्याचे ट्वीट केल्याचा उल्लेख केला आहे. निलेश राणे यांनी म्हटले आहे की, मला असा संशय येतो की पवारसाहेबच दाऊदचा माणूस आहे. खरोखर संशय येतो. ज्याने दाऊदच्या बहिणीशी व्यवहार केला, बॉम्बब्लास्टच्या आरोपींशी व्यवहार केला. त्यांचा राजीनामा का घेतला जात नाही? अनिल देशमुखांचा पटकन राजीनामा घेतला, मग नवाब मलिक कोण आहे? कोण लागतो शरद पवारांचा? असा सवाल निलेश राणे यांनी उपस्थित केला आहे.

    संबंध जोडल्याने शरद पवार यांच्या जीवाला धोका

    त्यामुळे नितेश राणे आणि निलेश राण हे जाणीवपूर्वक कट रचून समाजात प्रक्षोभक भाष्य करुन तेढ निर्माण करत दंगल घडवून आणण्याच्या उद्देशाने शरद पवारांचे नाव दाऊद इब्राहिमशी जोडून अब्रुनुकसानी करत आहेत. तसेच दाऊदशी संबंध जोडल्याने शरद पवार यांच्या जीवाला धोका निर्माण झाला आहे, असेही या तक्रारीत म्हटले आहे.

    हे सुद्धा वाचा
    हे सुद्धा वाचा
    हे सुद्धा वाचा
    हे सुद्धा वाचा
    हे सुद्धा वाचा
    हे सुद्धा वाचा