जन्माष्टमीचे व्रत केल्याने भक्तांच्या जीवनातील सर्व संकटे दूर होतात, अशी लोकांची धारणा आहे.
श्रीकृष्ण जन्माष्टमी 2023 : श्रीकृष्ण जन्माष्टमीची तयारी भारतामध्ये जागोजागी जोरात सुरु आहे. यानिमित्त सर्वत्र उत्साहाचे वातावरण आहे. श्रीकृष्ण जन्माष्टमी सणाला हिंदू धर्मामध्ये विशेष महत्व आहे. हिंदू पंचांगानुसार भाद्रपद महिन्यातील कृष्ण पक्षामधील अष्टमी तिथीला श्रीकृष्ण जन्माष्टमी साजरी केली जाते. जन्माष्टमीचे व्रत केल्याने भक्तांच्या जीवनातील सर्व संकटे दूर होतात, अशी लोकांची धारणा आहे. यंदा जन्माष्टमी दोन दिवस साजरी केली जाणार आहे. श्रीमद् भागवत पुराणानुसार भगवान श्रीकृष्णाचा जन्म रात्री १२ वाजता भाद्र कृष्ण अष्टमी तिथी, बुधवार, मध्यरात्री रोहिणी नक्षत्र आणि वृषभ राशीत झाला. वैदिक दिनदर्शिकेनुसार भाद्रपदाची अष्टमी तिथी बुधवार, ६ सप्टेंबर रोजी दुपारी ३ वाजून ३७ मिनिटांनी सुरू होत आहे. अष्टमी तिथीची समाप्ती दुसऱ्या दिवशी गुरुवार, ७ सप्टेंबर रोजी सायंकाळी ४ वाजून १४ मिनिटांनी समाप्त होईल.
ज्योतिषांच्या मते, शास्त्रानुसार गृहस्थ जीवन जगणारे भक्त ६ सप्टेंबर रोजी श्रीकृष्णाची जयंती साजरी करतील. तर दुसरीकडे वैष्णव पंथात ७ सप्टेंबर रोजी जन्माष्टमीचा सण साजरा केला जाणार आहे. पौराणिक मान्यतेनुसार, यावेळी श्रीकृष्णाची ५२५० वी जन्माष्टमी साजरी केली जाईल. शुभ मुहूर्तावर बालगोपाळाची पूजा केल्याने शुभफळ प्राप्त होतात असा लोकांमध्ये विश्वास आहे. मथुरेतही जन्माष्टमी ६ सप्टेंबरलाच साजरी केली जाणार आहे.
जन्माष्टमी पूजा पद्धती आणि उपवासाचे नियम
जन्माष्टमी व्रताच्या एक दिवस आधी म्हणजेच सप्तमीच्या दिवशी फक्त हलके आणि सात्विक अन्नच खावे.
व्रताच्या दिवशी सकाळी स्नान वगैरे करून सर्व देवतांना नमस्कार करावा.
नंतर पूर्वेकडे किंवा उत्तरेकडे तोंड करून बसा.
यानंतर हातात पाणी, फळे आणि फुले घेऊन व्रताचा संकल्प करावा.
देवघरात एक सुंदर चौरंग पसरवून त्यावर कलश बसवा.
भगवान श्रीकृष्ण आणि माता देवकी यांची मूर्ती किंवा सुंदर चित्राची स्थापना करा.
देवकी, वासुदेव, बलदेव, नंदा, यशोदा आणि लक्ष्मी यांची नावे घेऊन त्यांची पूजा करा.
हे व्रत रात्री १२ वाजल्यानंतरच सोडले जातात. या व्रतामध्ये धान्य वापरले जात नाही.
उपवासाच्या फराळाच्या स्वरूपात तुम्ही मावा बर्फी, शिंगाड्याच्या पिठाची खीर किंवा फळे खाऊ शकता.
जन्माष्टमी पूजेची पद्धत
या दिवशी सकाळी लवकर उठून स्वच्छ कपडे परिधान करावेत. यासोबतच आज सकाळी हातात गंगाजल घेऊन व्रताचा संकल्प करावा. जन्माष्टमीला दिवसभर भगवान श्रीकृष्णाचे कीर्तन करण्याची परंपरा आहे. या दिवशी श्रीकृष्णासोबत सर्व देवांना नवीन वस्त्रे परिधान केली जातात. या दिवशी शाळीग्रामला पंचामृताने अभिषेक केला जातो. यासोबतच देवाला खव्याचा नैवेद्य दाखवला जातो. या दिवशी भगवान श्रीकृष्णाच्या बालस्वरूपाची पूजा केल्याने संतती सुख मिळते. यासोबतच घरात समृद्धी राहते. तर दुसरीकडे, अशी धारणा आहे की, जन्माष्टमीच्या दिवशी तुळशीची पाने तोडू नयेत. म्हणूनच एक दिवस आधी तुळशीची पाने तोडून घ्या. श्रीकृष्ण जन्माष्टमीच्या दिवशी जेवणात लसूण आणि कांद्याचे सेवन करू नये. अन्यथा उपवास मोडू शकतो
Loading ...