मुलुंडमध्ये काही दिवसांपूर्वी तृप्ती देवरुखकर (Trupti Deorukhkar) यांच्या प्रकरणामुळे मराठी-गुजराती वाद (Marathi vs Gujarati Clashes) चांगलाच पेटला. असे असतानाच या वादानंतर आता घाटकोपरमध्ये देखील मराठी-गुजराती वाद पेटला आहे.
मुंबई : मुलुंडमध्ये काही दिवसांपूर्वी तृप्ती देवरुखकर (Trupti Deorukhkar) यांच्या प्रकरणामुळे मराठी-गुजराती वाद (Marathi vs Gujarati Clashes) चांगलाच पेटला. असे असतानाच या वादानंतर आता घाटकोपरमध्ये देखील मराठी-गुजराती वाद पेटला आहे. शिवसेना उद्धव ठाकरे गट तसेच मनसे कार्यकर्त्यांकडून घाटकोपरमध्ये गुजराती फलक तोडण्यास सुरुवात करण्यात आली.
सोमवारी एका उद्यानातील फलक तोडल्यानंतर पुन्हा मंगळवारी काही ठिकाणी तोडफोड करण्यात आली. शिवसेना कार्यकर्त्यांनी घाटकोपरमधील एका उद्यानाचा ‘मारो घाटकोपर’ हा गुजराती बोर्ड तोडला होता. त्यानंतर मनसे कार्यकर्त्यांनी घाटकोपरच्या विविध ठिकाणच्या गुजराती पाट्या तोडल्या. भाजप आमदार प्रविण छेडा यांनी निषेध व्यक्त करत म्हटले की, गुजराती नागरिकांना टार्गेट केले जात आहे.
शिवसेना आणि मनसे हे एकमेकांमध्ये स्पर्धा करत आहेत. त्या नादात त्यांनी गुजराती नागरिकांना टार्गेट केले आहे, हे चुकीचे आहे. मुंबईमध्ये सर्व भाषिक लोक राहतात. निवडणुका आल्या म्हणून हे तुम्ही करत आहात का? असा प्रश्नही छेडा यांनी विचारला आहे.
भाजपकडून निषेध
शिवसेना-मनसे कार्यकर्त्यांनी अशा पद्धतीने चौकात तोडफोड केल्याने भाजपने याचा निषेध व्यक्त केला आहे. शिवसेना आणि मनसेने ज्या पद्धतीने तोडफोड केली. ते चुकीचे असल्याचे भाजपने म्हटले असून, ज्याठिकाणी तोडफोड करण्यात आली तेथे जाऊन भाजप कार्यकर्त्यांनी निषेध व्यक्त करत चौकातील फलक पुन्हा लावण्यात यावेत, अशी मागणी केली.
Loading ...