लिफ्ट खराब झाल्यास प्रथम काय केले पाहिजे? नोएडातील घटनेतून धडा घ्या…

अलीकडेच नोएडाच्या सेक्टर-१३७ मध्ये असलेल्या पारस टिएरा सोसायटीच्या टॉवर-५ ची लिफ्ट अचानक चौथ्या मजल्यावर तुटली आणि त्याचे ब्रेक निकामी झाले, त्यामुळे लिफ्ट वरच्या दिशेने जाऊ लागली आणि छताला धडकली. (फोटो सौजन्य: istock)

    नुकतीच नोएडामध्ये एक भयंकर दुर्घटना घडली. या घटनेने लिफ्ट सुरक्षिततेचे महत्त्व अधोरेखित केले आहे. वास्तविक, नोएडाच्या सेक्टर-137 मध्ये असलेल्या पारस टिएरा सोसायटीच्या टॉवर-5 ची लिफ्ट अचानक चौथ्या मजल्यावर येऊन तुटली आणि त्याचे ब्रेक निकामी झाल्याने ती खाली जाण्याऐवजी वरच्या दिशेने जाऊ लागली आणि त्यातच ती थेट छताला धडकली.

    कधीही खराब लिफ्टमध्ये अडकल्यास या गोष्टींचे अनुसरण करणे आवश्यक आहे:

    1. मदतीसाठी त्वरित कॉल करा:
    राष्ट्रीय लिफ्ट हेल्पलाइन क्रमांक: 1800-425-0077
    स्थानिक पोलीस किंवा अग्निशमन विभाग, इमारत व्यवस्थापन किंवा सुरक्षा कर्मचारी यांना कॉल करून त्यांच्याशी संपर्क करण्याचा प्रयत्न करा.

    2. लिफ्टमधील आपातकालीन बटण दाबा:
    उपलब्ध असल्यास वेळीच लिफ्टमधील आपातकालीन बटण दाबा. हे लिफ्ट कंपनीला अलर्ट करेल आणि तुम्ही लिफ्टमध्ये अडकले आहेत याची त्यांना जाणीव करून देईल.

    3. शांत राहा आणि हलणे-डुलणे टाळा:
    अशा परिस्थितीत, चिंताग्रस्त होणे किंवा जास्त हालचाल केल्याने लिफ्ट हलू शकते आणि परिस्थिती आणखी बिघडू शकते. त्यामुळे मदत येईपर्यंत शांत आणि धीर धरा.

    4. शक्य असल्यास, लिफ्टचे दरवाजे उघडण्याचा प्रयत्न करा:
    जर लिफ्ट मजल्याच्या मध्यभागी अडकली असेल तर दरवाजे उघडण्याचा प्रयत्न करा आणि बाहेर पडा.
    टीप: दरवाजे सहज उघडत नसल्यास, बळाचा वापर करू नका.

    5. मोबाईल फोनमध्ये सिग्नल असल्यास मदतीसाठी कॉल करा:
    तुमच्या मोबाईल फोनला सिग्नल असल्यास, मदतीसाठी त्वरित कॉल करा. लिफ्टमध्ये अडकल्याची माहिती द्या आणि तुमचा मजला क्रमांक सांगा.

    6. मोबाईल फोनमध्ये सिग्नल नसल्यास, आवाज करून लक्ष वेधून घ्या:
    तुमच्या मोबाईल फोनला सिग्नल नसल्यास, भिंतींवर आदळणे किंवा ओरडून इतर लोकांचे लक्ष वेधण्याचा प्रयत्न करा. ज्याणेंकरून कोणीतरी तुमच्या मदतीसाठी येईल.

    •  नोएडाच्या घटनेतून धडा घेण्याची गरज आहे: नियमित तपासणी आणि देखभाल: लिफ्ट सुरक्षितपणे कार्यरत आहेत याची खात्री करण्यासाठी लिफ्टची नियमित तपासणी आणि देखभाल करणे आवश्यक आहे.
    • आपातकालीन योजना: लिफ्टमध्ये बिघाड झाल्यास प्रत्येक इमारतीमध्ये आपत्कालीन योजना असणे आवश्यक आहे.
    • जागरूकता: लोकांनी लिफ्टच्या सुरक्षिततेबद्दल जागरुक असले पाहिजे आणि धोक्याची चिन्हे ओळखण्यास सक्षम असले पाहिजे.