प्रतिकात्मक फोटो (Symbolic Photo)
प्रतिकात्मक फोटो (Symbolic Photo)

ईसरूळ गावातील 18 वर्षापर्यंतची मुलं दारूच्या आहारी जाऊन व्यसनाधीन बनले आहेत. गावात चार अवैध दारुची विक्री करणारे दुकाने आहेत. चारही दुकानदारांच्या अनेक वेळा तक्रारी केल्या, वारंवार त्यांच्याशी भांडणे होतात; मात्र प्रशासन त्या दारू दुकानदारांवर व विक्रेत्यांवर कडक कारवाई करत नाही.

    बुलढाणा (Buldhana) : जिल्ह्याच्या चिखली तालुक्यातील ईसरूळ येथे देशी दारूचे बॉक्स पोहोचविणाऱ्या दारू विक्रेत्याला गावाच्या स्मशानभूमी जवळच अडवून ईसरूळ येथील सरपंच पती तथा ग्रामपंचायत सदस्य संतोष भुतेकर यांनी चांगलाच चोप दिला आहे. तसंच, सर्व दारूचे बॉक्स फोडून व जाळून टाकून पुन्हा गावात दारू घेऊन आलास तर याद राख असा दम देखील भरला आहे. सदर घटनेचा व्हिडीओ सोशल मीडियावर व्हायरल झाल्यानंतर अनेक गावातून सरपंच पती तथा ग्रामपंचायत सदस्य संतोष भुतेकर यांना महिलांचे अभिनंदनाचे फोन येत आहेत.

    ईसरूळ गावातील 18 वर्षापर्यंतची मुलं दारूच्या आहारी जाऊन व्यसनाधीन बनले आहेत. गावात चार अवैध दारुची विक्री करणारे दुकाने आहेत. चारही दुकानदारांच्या अनेक वेळा तक्रारी केल्या, वारंवार त्यांच्याशी भांडणे होतात; मात्र प्रशासन त्या दारू दुकानदारांवर व विक्रेत्यांवर कडक कारवाई करत नाही. अनेक वेळा गावात घरपोच दारू पाठविणारे देऊळगावराजा येथील दारू विक्रेत्यांची माणसे पकडून ग्रामपंचायमध्ये कोंडून ठेवली होती. समज दिल्यानंतरही ते ऐकत नाहीत व दारुचे बॉक्स पोहोचविणे थांबत नाहीत म्हणून आता आम्ही हा मार्ग अवलंबला आहे, असं त्यांनी म्हटलं आहे.

    दिनांक ९ ऑक्टोबर २०२१ रोजी गावात दारूचे बॉक्स येणार असल्याची माहिती मिळताच गावाच्या स्मशानभूमीजवळच सदर देशी दारूचे बॉक्स घेऊन येणाऱ्या गाडीला अडवून सदर व्यक्तीला समज देत सोडले. तर दारूचे बॉक्स परत दुसऱ्या ठिकाणी नेऊन विकले जातील व ग्रामीण भागातील युवकांना व्यसनाधीन बनवले जाईल म्हणून ते सर्वच्या सर्व बॉक्स फोडून टाकले आणि जाळून टाकले, अशी माहिती त्यांनी दिली आहे.