इन्कम टॅक्सच्या नव्या वेबसाईटवर लोकांना जाणवतायत तांत्रिक समस्या, अर्थमंत्र्यांनी केलं ‘हे’ ट्विट

नवं इन्कम टॅक्स पोर्टल(Income Tax Portal) Infosys कंपनीने तयार केलं आहे. Infosys GSTN चं IT इन्फ्रास्ट्रक्चर हे मॅनेज करत आहे. नवं पोर्टल  ७ जून रोजी लाँच करण्यात आलं.

    नवी दिल्ली: इन्कम टॅक्सची नवी वेबसाईट(Technical Problem in New Website of Income Tax) लाँच झाल्यानंतर काही वेळातच त्यात समस्या येत असल्याचं समोर आलं आहे. याबाबत अनेक युजर्सनी तक्रार केली आहे. याबाबत आता स्वत: अर्थमंत्री निर्मला सीतारमण (Nirmala Sitharaman) यांनीही ट्विट केलं आहे. अर्थमंत्र्यांनी एका ट्विटर युजरच्या तक्रारीवर प्रतिक्रिया दिली आहे.

    ‘नवीन इन्कम टॅक्स पोर्टल काल लाँच केलं गेलं. हे नवं पोर्टल अ‍ॅक्सेस करण्यास अनेकांना समस्या येत आहेत.’ असं त्यांनी आपल्या ट्विटमध्ये म्हटलं आहे. तसंच त्यांनी टेक्नोलॉजी कंपनी Infosys आणि त्याचे को-फाउंडर Nandan Nilekani यांना टॅग करत, टॅक्सपेअर्सला देण्यात येणाऱ्या सुविधेमध्ये  कोणतीही कमी नसावी असंही म्हटलं आहे.

    नवं इन्कम टॅक्स पोर्टल Infosys कंपनीने तयार केलं आहे. Infosys GSTN चं IT इन्फ्रास्ट्रक्चर हे मॅनेज करत आहे. नवं पोर्टल  ७ जून रोजी लाँच करण्यात आलं. पोर्टल लाँच झाल्यानंतर अनेक लोकांनी साईट ओपन होत नसल्याच्या तक्रारी केल्या. अर्थमंत्र्यांनीही याबाबत अनेक लोकांच्या तक्रारी सोशल मीडियावर येत असल्याचं म्हटलं आहे.

    नव्या पोर्टलमध्ये सर्व प्रकारचे इंटरअ‍ॅक्शन आणि अपलोड किंवा प्रलंबित क्रिया एकाच डॅशबोर्डवर प्रदर्शित केल्या जातील. ज्याद्वारे टॅक्सपेअर्स सर्व गोष्टी ट्रॅक करू शकतील. नव्या पोर्टलद्वारे टॅक्सपेअर्सला (tax payers)इन्कम टॅक्स फॉर्म भरणं, टॅक्स प्रोफेशनल्स जोडणं, फेसलेस स्क्रूटनी किंवा नोटिशीला उत्तर देणं यासारखे अनेक फायदे मिळतील. परंतु सध्या हे पोर्टल अ‍ॅक्सेस करण्यास युजर्सला समस्या येत आहेत.