ऐन लग्नसराईत सोनं झालं स्वस्त – जाणून घ्या आजचा सोन्याचा भाव

सोन्याची किमतीमध्ये(Gold Price Today) थोडीशी घट दिसून आली आहे. (Gold Rate Falls)सोमवारी सोन्याच्या दरात घसरण झाली आहे.

    लग्नसराईच्या काळात सोन्याची किमतीमध्ये(Gold Price Today) थोडीशी घट दिसून आली आहे. सोमवारी सोन्याच्या दरात घसरण झाली आहे. (Gold Rate Falls) एमसीएक्सवर सोन्याची किंमत ०.०७ टक्क्यांनी घसरली आहे. यानंतर आज २४ कॅरेट सोन्याचा भाव ४७,८७० रुपये प्रति दहा ग्रॅमवर ​​आला आहे. मिळालेल्या माहितीनुसार, १७८३ अमेरिकन डॉलर प्रति औंसवर १ टक्क्यापेक्षा जास्त घसरण झाली. तर याउलट चांदीच्या किमतीत(Silver Price Today) मात्र ०.१३ टक्क्यांनी वाढ झाली आहे. या वाढीसह चांदीचा भाव ६१,५९९ रुपये प्रति किलोवर पोहोचला आहे.

    हे सुद्धा वाचा

    एक्साइज ड्यूटी, राज्य कर आणि मेकिंग चार्जेसमुळे सोन्याची किंमत देशात वेगवेगळ्या ठिकाणी वेगवेगळी आहे.  दागिने बनवण्यासाठी बहुतेक २२ कॅरेटचा वापर केला जातो. काही लोक १८ कॅरेट सोने देखील वापरतात. दागिन्यांवर कॅरेटनुसार हॉल मार्क बनवले जाते. २४ कॅरेट सोन्यावर ९९९, २३ कॅरेटवर ९५८, २२ कॅरेटवर ९१६, २१ कॅरेटवर८७५ आणि १८ कॅरेटवर ७५० लिहिलेले असते.

    २४ कॅरेट सोने ९९.९% शुद्ध आहे आणि २२ कॅरेट सुमारे ९१ टक्के शुद्ध आहे.२२ कॅरेट सोन्यात तांबे, चांदी, जस्त यांसारख्या ९% इतर धातूंचे मिश्रण करून दागिने तयार केले जातात. २४ कॅरेट सोने शुद्ध असले तरी त्याचे दागिने बनवता येत नाहीत. त्यामुळे दुकानदार २२ कॅरेटमध्ये सोने विकतात.