मालाड परिसरातून एक धक्कादायक घटना! पत्नीसोबत भांडण झाल्याने संतापलेल्या पित्याने केली 6 वर्षाच्या मुलाची हत्या

    मुंबईत धक्कादायक प्रकार घटना समोर आली आहे. एका पित्याने आपल्या 6 वर्षाच्या मुलाची हत्या केली आहे. या संदर्भात मालवणी पोलिसांनी आरोपी पित्याविरुद्ध भादंवि कलम 302 अन्वये गुन्हा दाखल करून त्याला अटक केली आहे. पोलिसानी दिलेल्या माहितीनुसार, नंदन अधिकारी हे त्यांची पत्नी सुनीता, मुलगा लक्ष्य (वय, 6) आणि 13 वर्षीय मुलीसोबत मुंबईतील मालाड परिसरात राहतात. नंदन हा खूप रागीट स्वभावाचा आहे, त्यामुळे त्याचे पत्नीसोबत दररोज वाद होतात. शुक्रवारी रात्रीही पती-पत्नीमध्ये काही कारणावरून वाद झाला. सकाळी सुनीता आपल्या मुलीला घेऊन शाळेत सोडण्यासाठी गेली. मुलीला शाळेत सोडल्यानंतर ती घरी परतली तेव्हा तिचा 6 वर्षांचा मुलगा लक्ष्य याचा रक्ताने माखलेला मृतदेह जमिनीवर पडला होता.

    नंदन अधिकारी याने पत्नी सुनीतासोबत झालेल्या भांडणानंतर मुलगा लक्ष्य याची हत्या केली. पत्नी घरी नसताना ही घटना घडली. धारदार वस्तूने गळा चिरून त्यांची हत्या करण्यात आली. पोलिसांनी पत्नीच्या जबाबाच्या आधारे आयपीसी कलम 302 अन्वये गुन्हा दाखल करून आरोपी वडील नंदन अधिकारी याला अटक केली आहे. यासोबतच पोलिसांनी मुलाचा मृतदेह ताब्यात घेऊन पोस्टमॉर्टमसाठी पाठवला आहे. आरोपीने गुन्ह्याची कबुली दिल्याचे पोलिसांनी सांगितले आहे.

    हा गुन्हा रागाच्या भरात झाल्यास सांगण्यात आला आहे. तसेच रोज रोजच्या भांडण होत असल्साने रागा अनावर न झाल्याने हे कृत्य केल्याचे सांगण्यात आले आहे.