सर्वसामान्य नागरिकांची फसवणूक करून फरार झालेल्या पुण्यातील उद्योजकावर ईडीची कारवाई, १०० कोटींची फसवणूक

अंमलबजावणी संचालनालयाकडून मागील अनेक दिवसांपासून राजकीय नेत्यांपासून ते उद्योजकांवर कारवाई केली जात आहे. मल्टी लेव्हल मार्केटिंग या योजनेमधून गुंतवणूक दरांची फसवणूक करणाऱ्या एका व्यक्तीवर ईडीकडून कारवाई करण्यात आली आहे.

    अंमलबजावणी संचालनालयाकडून मागील अनेक दिवसांपासून राजकीय नेत्यांपासून ते उद्योजकांवर कारवाई केली जात आहे. मल्टी लेव्हल मार्केटिंग या योजनेमधून गुंतवणूक दरांची फसवणूक करणाऱ्या एका व्यक्तीवर ईडीकडून कारवाई करण्यात आली आहे. विनोद खुटे असे कारवाई करण्यात आलेल्या व्यक्तीचे नाव आहे. ईडीने व्हीआयपीएस ग्रुप ऑफ कंपनीची २४ कोटी ४१ लाखांच्या मालमत्तेवर जप्ती आणली आहे. त्यानंतर विनोद कुटे हा व्यक्ती दुबईमध्ये गेला. तसेच या संपूर्ण प्रकरणी ईडीचे सहायक संचालक रत्नेशकुमार भुवनेश्वरलाल यांनी पुण्यातील भारती विद्यापीठ पोलीस ठाण्यात तक्रार दाखल केली आहे.

    १०० कोटींची फसवणूक

    ईडीकडून कारवाई करण्यात आलेल्या व्यक्तींची नावे समोर आली आहेत. यामध्ये विनोद तुकाराम खुटे, संतोष तुकाराम खुटे, मंगेश खुटे, किरण पितांबर अनारसे, अजिंक्य बडधे आणि यांच्यासह इतर लोकांवर कारवाई करण्यात आली आहे. ईडीकडून जून महिन्यात व्हीआयपीएस ग्रुपच्या पुणे, मुंबई आणि अहमदाबादमधील सर्व कार्यालयांवर छापेमारी करण्यात आली आहे. या छापेमारीमध्ये लाखो रुपयांची मालमत्ता जप्त करण्यात आली. ५८ बँकांतील २१.२७ कोटी रुपये आणि इतर सर्व बँकांमधील ३.१४ कोटी रुपये जप्त करण्यात आले आहेत. विनोद कुटे आणि त्यांच्या सहकाऱ्यांनी मिळून लोकांची १०० कोटी रुपयांची फसवणूक केली आहे.

    काय होती गुंतवणुकीसाठी योजना

    गुंतवणूकदारांकडून पैसे घेत ही रक्कम हवालामार्फत विदेशात पाठवली जात होती. ईडीकडून करण्यात आलेल्या कारवाईमध्ये दुबईतील ३७ कोटी ५० लाखांची मालमत्ता जप्त करण्यात आली. तर ७० कोटी ८९ लाख रुपयांची मालमत्तेवर टाच लावण्यात आला. सर्वसामान्य नागरिकांकडून प्रत्येक महिन्याला दोन ते तीन टक्के व्याजाने पैसे घेतले जायचे. या नागरिकांना गुंतवणूक केल्यानंतर अधिक परतावा मिळणार अशी योजना देण्यात आली होती. या सगळ्यासाठी विनोद खुटे याने फॉरेक्स ट्रेडिंगच्या नावाखाली एक कंपनी तयार केली.

    कंपनी तयार केल्यानंतर ज्या नागरिकांनी यात गुंतवणूक केली आहे, त्यांची झूम आणि ऑनलाईन मिटींग घेऊन त्यांना चांगला परतावा मिळेल असे सांगितले जायचे. त्यांनी गुंतवणूकदारांकडून घेतलेले पैसे बनावट फार्ममध्ये टाकले. हा सर्व पैसा हवालाच्या माध्यमातून परदेशामध्ये पाठवला जायचा. या योजनेमध्ये अनेक गुंतवणूकदारानी लाखोंची गुंतवणूक केली होती. काही दिवसानंतर हा सर्व प्रकार उघड झाल्याने ईडीकडून कारवाई करण्यात आली आहे.