एकनाथ शिंदे यांच्या पुतण्याला जुगार खेळताना अटक

शिंदे-फडणवीस सरकारचा बहुचर्चित मंत्रिमंडळ विस्तार पार पडत आहे. शिंदे गटातील आमदार अब्दुल सत्तार यांचा टीईटी घोटाळ्याशी संबंध असल्याची माहिती पुढे आली. त्यानंतर आता एकनाथ शिंदे यांच्यासाठी आनंदाचा क्षण असलेल्या मंत्रिमंडळ विस्तारापूर्वी त्यांच्या पुतण्याला अटक झाल्याने शिंदे सरकारसाठी आणखी एक अपशकून घडला आहे.

    मुंबई : शिंदे-फडणवीस सरकारच्या मंत्रिमंडळ विस्ताराला (Cabinet Expansion) अवघे काही तास उरले असतानाच मुख्यमंत्र्यांच्या पुतण्याला (CM Nephew Arrest) पोलिसांनी अटक केली आहे. एकनाथ शिंदे (CM Eknath Shinde) यांचा पुतण्या महेश शिंदे याला जुगार (Gambling) खेळत असताना ताब्यात घेतले. मीरारोडच्या जीसीसी क्लबमधील (GCC Club) एका खोलीत महेश शिंदे (Mahesh Shinde) जुगार खेळत होता. त्यावेळी पोलिसांनी क्लबवर धाड टाकून त्याच्यासह १० जणांना अटक केली. ही माहिती समोर आल्यानंतर एकच खळबळ उडाली आहे.

    तब्बल ३५ दिवसांनंतर शिंदे-फडणवीस सरकारचा बहुचर्चित मंत्रिमंडळ विस्तार पार पडत आहे. शिंदे गटातील आमदार अब्दुल सत्तार यांचा टीईटी घोटाळ्याशी संबंध असल्याची माहिती पुढे आली. त्यानंतर आता एकनाथ शिंदे यांच्यासाठी आनंदाचा क्षण असलेल्या मंत्रिमंडळ विस्तारापूर्वी त्यांच्या पुतण्याला अटक झाल्याने शिंदे सरकारसाठी आणखी एक अपशकून घडला आहे.

    मीरारोडमधील जीसीसी क्लब या हॉटेलमध्ये बेकायदेशीररीत्या जुगार खेळला जात असल्याची माहिती मीरा-भाईंदर, वसई-विरार पोलिसांच्या गुन्हे शाखेला मिळाली. त्यानुसार पोलीस निरीक्षक अविराज कुऱ्हाडे यांनी या हॉटेलवर छापा टाकला. हॉटेलमधील ७९४ क्रमांकाच्या रूममध्ये १० जण जुगार खेळत होते. त्यामध्ये मुख्यमंत्री एकनाथ शिंदे यांचा पुतण्या महेश शिंदे याचाही समावेश होता. पोलिसांनी या सर्वांना ताब्यात घेतले; मात्र नंतर चौकशी करून सोडून दिले आहे.