गुजरातमधील सुरेंद्रनगरमध्ये एका दीड वर्षाच्या मुलीच्या मृतदेहावर बलात्कार झाल्याची घटना समोर आली आहे. मिळालेल्या माहितीनुसार, आजारपणामुळे २५ फेब्रुवारीला मुलीचा मृत्यू झाला. त्यानंतर त्याच्या मृतदेहावर अंत्यसंस्कार करण्यात आले. मात्र दुसऱ्या दिवशी मुलीचा मृतदेह ज्या ठिकाणी पुरला होता त्या ठिकाणी नातेवाईक पोहोचले असता त्यांना मृतदेह विवस्त्र अवस्थेत मातीत दिसला. मृतदेहासोबत बलात्कार झाल्याची शक्यता डॉक्टरांनी व्यक्त केली आहे.
गुजरातमधील (Gujarat) सुरेंद्रनगरमधून (Surendra Nagar) एक लाजीरवाणी बातमी समोर आली आहे. येथील थानगड (Thangad) परिसरात दीड वर्षाच्या चिमुरडीवर बलात्कार (A one and a half year old girl was raped) केल्याची घटना घडली आहे. मिळालेल्या माहितीनुसार, मुलीच्या जन्मापासूनच तिच्या हृदयात छिद्र होते. तिच्यावर उपचार सुरू होते. मात्र २५ फेब्रुवारी रोजी उपचारादरम्यान मुलीचा मृत्यू (Death) झाला. त्याच दिवशी मुलीच्या मृतदेहावर अंत्यसंस्कार करण्यात आले.
मुलीच्या वडिलांचा आरोप आहे की, २६ फेब्रुवारीला जेव्हा ते मृतदेह दफन केलेल्या ठिकाणी पोहोचले तेव्हा तेथील दृश्य पाहून त्यांना धक्काच बसला. प्रत्यक्षात मुलीचा मृतदेह मातीत पडला होता. तिच्या अंगावर एकही कपडा नव्हता. नातेवाइकांनी तात्काळ याची माहिती पोलिसांना दिली.
मुलीच्या नातेवाईकांनी बलात्काराची भीती व्यक्त केली. नातेवाइकांनी मृतदेह शवविच्छेदनासाठी पाठवला असता मृतदेहासोबत बलात्काराची शक्यताही डॉक्टरांनी व्यक्त केली. सध्या मुलीच्या मृतदेहाचे पोस्टमार्टम करण्यात येत आहे. त्याचबरोबर असे घृणास्पद कृत्य करणारे कोण आहे याचा शोध घेण्याचा प्रयत्न पोलीस करत आहेत.
यापूर्वी बोताद शहरातील नऊ वर्षीय मुलीवर बलात्कार करून तिची हत्या केल्याची घटना समोर आली होती. मिळालेल्या माहितीनुसार, भगवानपारा भागात एका निर्जन ठिकाणी मुलीचा मृतदेह सापडला होता, त्यानंतर स्थानिक लोकांनी पोलीस ठाण्याबाहेर निदर्शने केली आणि दोषीला तत्काळ अटक करण्याची मागणी करत रास्ता रोको केला. हे प्रकरण गांभीर्याने घेत पोलिसांनी तपास सुरू केला आणि ३९ वर्षीय डायमंड पॉलिशरला अटक केली.
पोलिस उपअधीक्षक महर्षी रावल यांनी सांगितले की, “मुलीचा मृतदेह पोस्टमॉर्टमसाठी पाठवण्यात आला असून, त्यातून हत्येपूर्वी तिच्यावर बलात्कार झाल्याचे उघड झाले आहे.” चौकशीत आरोपीने आपला गुन्हा कबूल केला. त्यानंतर त्याला न्यायालयात हजर करून कारागृहात रवानगी करण्यात आली.
Loading ...