instead of registering a complaint crime the victim was assaulted in the kalamboli police station

काही वेळाने ते सर्वजण निघून गेले मात्र यादव यांना हॉटेलमध्येच बॅग सोडल्याचे लक्षात येताच विकास हा वाद टाळण्यासाठी ती उचलण्यासाठी गेला. मात्र हॉटेलमध्ये पोहोचताच तेथील कर्मचाऱ्यांनी त्याला बेदम मारहाण केली. त्यावेळी विकास स्वत:ला वाचवून बाहेर आला आणि त्याने कंट्रोल रूमला फोन करून मदत मागितली.

    नवी मुंबई : एका व्यक्तीला मारहाण (Beating A Person) करून रात्रभर पोलीस ठाण्यात डांबून ठेवल्याची घटना समोर आली आहे (incident of being kept overnight in the police station). या प्रकरणी कळंबोली पोलीस ठाण्यात (Kalamboli Police Station) कार्यरत सहाय्यक पोलिस निरीक्षक दिनेश पाटील (Assistant Police Inspector Dinesh Patil) यांच्याविरुद्ध तक्रार नोंदवून (File A Compalant) पोलिसांनी तपास सुरू केला आहे.

    मिळालेल्या माहितीनुसार, फिर्यादी विकास उजगरे (Vikas Ujagare) हा हॉस्पिटलमध्ये काम करतो तो ६ जानेवारी रोजी काम संपवून काही मित्रांसोबत पार्टीला गेला होता. यानंतर सुधागड कॉलेजजवळील दत्तकृपा चायनीज हॉटेलमध्ये जेवण करत असताना ऑर्डर देण्यावरून त्याचा मित्र तुषार यादव आणि वेटरमध्ये वाद झाला. मात्र विकासने तो मध्यस्थी करत वाद पुढे सरकू दिला नाही.

    काही वेळाने ते सर्वजण निघून गेले मात्र यादव यांना हॉटेलमध्येच बॅग सोडल्याचे लक्षात येताच विकास हा वाद टाळण्यासाठी ती उचलण्यासाठी गेला. मात्र हॉटेलमध्ये पोहोचताच तेथील कर्मचाऱ्यांनी त्याला बेदम मारहाण केली. त्यावेळी विकास स्वत:ला वाचवून बाहेर आला आणि त्याने कंट्रोल रूमला फोन करून मदत मागितली. त्यानंतर पोलिस पथक तेथे आले आणि त्यांनी कळंबोली पोलिस ठाण्यात तक्रार देण्यास सांगितले.

    त्यानंतर पोलिसांनी दिलेल्या माहितीनुसार, विकास पायीच कळंबोली पोलिस ठाण्यात पोहोचला. मात्र त्यापूर्वीच हॉटेल मालक नीलेश भगत आणि एका कामगाराने पोलीस ठाणे गाठले. दरम्यान, हॉटेलमध्ये झालेल्या मारहाणीमुळे विकासच्या पोटात दुखत होते. त्यामुळे त्यांनी उपस्थित सहाय्यक पोलीस निरीक्षक दिनेश पाटील यांना दवाखान्यात जाण्याची विनंती केली, मात्र त्यांनी ना विकासची तक्रार लिहून घेतली ना दवाखान्यात नेले. याउलट विकासला बेल्टने मारहाण करून त्याच्या अंगावर जातीवाचक शब्द वापरून शिवीगाळ केली.

    डीसीपीचा नातेवाईक असल्याने नंतर केले रुग्णालयात दाखल

    काही वेळाने विकासच्या ओळखीच्या एका पोलीस कर्मचाऱ्याने विकास हा पोलीस उपायुक्त विनायक ढाकणे यांचा नातेवाईक असल्याचे सांगितले, त्यानंतर दिनेश पाटील यांचे वागणे पूर्णपणे बदलले. यानंतर पाटील यांनी विकासला जवळ बोलावून उपचारासाठी रुग्णालयात दाखल केले.

    यानंतर दुसऱ्या दिवशीही तेथे भेटायला आले. त्यावेळी विकास याच्यावर गुन्हा दाखल करण्यात आल्याची माहिती मिळाली. मात्र तीन दिवसांच्या उपचारानंतर विकास रुग्णालयातून बाहेर आल्यानंतर दिनेश पाटील यांच्यावर गुन्हा दाखल करण्यात आला आहे.