वर्षश्राद्धाच्या कार्यक्रमात हा प्रकार घडला होता. मात्र, पोलिसांनी राजकीय दबावाखाली विनयभंगाचे कलम लावले नसल्याचा आरोप होत होता. त्यामुळे पोलिसांवर टीका होत होती.
औरंगाबाद : एका महिलेला मारहाण केल्याप्रकरणी शिवसेना आमदार रमेश बोरनारे याच्यांवर आधीच गुन्हा दाखल झाला होता. आता त्यांच्याविरोधात विनयभंगाचाही गुन्हा दाखल झाला आहे. भाजपच्या कार्यक्रमात गेल्याचा राग मनात धरून आमदार बोरनारे यांनी एका महिलेस शिवीगाळ करून बेदम मारहाण केली होती.
संबंधित महिला केंद्रीय अर्थ राज्यमंत्री भागवत कराड यांच्या कार्यक्रमाला गेल्या होत्या. यामुळं रमेश बोरणारे रमेश बोरनारे, त्यांची पत्नी, भाऊ आणि इतर नातेवाईकांना त्यांना मारहाण केल्याचं तक्रारीत म्हटलंय. याप्रकरणी वैजापूर पोलिसांनी रमेश बोरनारे यांच्यासह 9 जणांच्या विरोधात गुन्हा दाखल करण्यात आला. आमदाराच्या पीए यांनी भांडण सोडवत असताना आपल्या जातीवाचक शिवीगाळ केली म्हणून महिलेविरोधात ॲट्रॉसिटीचा गुन्हा दाखल केला.
वर्षश्राद्धाच्या कार्यक्रमात हा प्रकार घडला होता. मात्र, पोलिसांनी राजकीय दबावाखाली विनयभंगाचे कलम लावले नसल्याचा आरोप होत होता. त्यामुळे पोलिसांवर टीका होत होती. अखेर पुरवणी जबाबानंतर हा गुन्हा नोंद करण्यात आला आहे. त्यामुळे आता आमदार रमेश बोरनारे यांच्या अडचणीत वाढ होण्याची शक्यता असल्याचे म्हटले जात आहे.
Loading ...