प्रतिकात्मक फोटो
प्रतिकात्मक फोटो

कोरोनाच्या दुसऱ्या लाटेने अनेक बालकांच्या आयुष्यातून जणू आनंद हिरावूनच घेतला आहे. राष्ट्रीय बाल संरक्षण आयोगाने नुकत्याच जारी केलेल्या रिपोर्टमधील आकडेवारीनुसार, जवळपास 3621 बालके अनाथ झाली आहेत. तर 26,176 मुलांच्या डोक्यावरून आई-वडिलांचे छत्र हरपले आहे. ही आकडेवारी गेल्या वर्षीच्या 1 एप्रिल ते या वर्षीच्या मे महिन्यापर्यंतची आहे. ही माहिती सर्वोच्च न्यायालयाला राष्ट्रीय बाल संरक्षण आयोगाने एका प्रतिज्ञापत्रकाच्या माध्यमातून दिली आहे. आयोगाने आपल्या अहवालात सांगितले आहे की, अनाथ झालेल्या मुलांमध्ये सर्वच मुलांचे आई-वडिलांचे निधन हे कोरोनामुळे झाले आहे असे नाही, त्यामागे अन्यही काही कारणे असू शकतात.

    दिल्ली : कोरोनाच्या दुसऱ्या लाटेने अनेक बालकांच्या आयुष्यातून जणू आनंद हिरावूनच घेतला आहे. राष्ट्रीय बाल संरक्षण आयोगाने नुकत्याच जारी केलेल्या रिपोर्टमधील आकडेवारीनुसार, जवळपास 3621 बालके अनाथ झाली आहेत. तर 26,176 मुलांच्या डोक्यावरून आई-वडिलांचे छत्र हरपले आहे. ही आकडेवारी गेल्या वर्षीच्या 1 एप्रिल ते या वर्षीच्या मे महिन्यापर्यंतची आहे. ही माहिती सर्वोच्च न्यायालयाला राष्ट्रीय बाल संरक्षण आयोगाने एका प्रतिज्ञापत्रकाच्या माध्यमातून दिली आहे. आयोगाने आपल्या अहवालात सांगितले आहे की, अनाथ झालेल्या मुलांमध्ये सर्वच मुलांचे आई-वडिलांचे निधन हे कोरोनामुळे झाले आहे असे नाही, त्यामागे अन्यही काही कारणे असू शकतात.

    सुरक्षेच्या उपाययोजनेची आवश्यकता

    त्याचबरोबर राष्ट्रीय बाल संरक्षण आयोगाने सांगितले आहे की, एकूण 30,071 बालकांच्या देखभाल आणि सुरक्षेच्या उपाययोजनेची आवश्यकता आहे. त्यामध्ये 15,620 मुले आहेत, तर 14,447 या मुली आहेत. आयोगाने असेही सांगितले आहे की, 11,815 बालके ही 8 ते 13 या वयोगटातील आहेत तर 4 ते 7 या वयोगटातील बालकांची संख्या ही 5,107 एवढी आहे.

    राज्यनिहाय आकडेवारी

    राष्ट्रीय बाल संरक्षण आयोगाने दिलेल्या आकडेवारीनुसार, महाराष्ट्रात 7,084 बालके, उत्तरप्रदेशमध्ये 3172, राजस्थानमध्ये 2482 बालकांना सुरक्षेची गरज आहे. त्यानंतर हरयाणामध्ये 2438, मध्यप्रदेशमध्ये 2243 आणि केरळमधील 2002 बालकांचा समावेश आहे.

    पीएम चाईल्ड केअर योजना

    पंतप्रधान नरेंद्र मोदी यांनी पुढाकार घेत कोरोना महामारीमुळे अनाथ झालेल्या बालकांना आधार देण्यासाठी पीएम चाईल्ड केअर योजना जाहीर केली आहे. या योजनेंतर्गत अनाथ मुलांना 18 वर्षांच्या वयानंतर मासिक भत्ता मिळेल तर वयाच्या 23 व्या वर्षी पीएम केअर फंडकडून 10 लाख रुपयांचा निधी दिला जाणार असून या मुलांना मोफत शिक्षण दिले जाणार आहे. उच्च शिक्षणासाठी कर्ज दिले जाईल आणि त्याचे व्याजही पीएम केअर फंडकडून दिले जाणार असल्याची घोषणा करण्यात आली आहे.

    आयुष्मान योजनेचाही लाभ

    आयुष्मान भारत योजनेंतर्गत 18 वर्षांसाठी 5 लाख रुपयांपर्यंतचा आरोग्य विमा देण्यात येईल. दहा वर्षांपेक्षा कमी वयाच्या मुलांना नजिकच्या केंद्रीय विद्यालय किंवा खाजगी शाळेत दाखल केले जाईल. 11 ते 18 वर्षे वयोगटातील मुले सैनिक शाळा आणि नवोदय विद्यालयसारख्या निवासी शाळेत दाखल होतील. फक्त दोन्ही पालक गमावलेल्या बालकांना अनाथ म्हणून पीएम चाईल्ड केअर योजनेत समावेश करण्यात आला आहे. प्रत्यक्ष आई किंवा वडिलांचे कोरोनामुळे छत्र गमावलेल्या आणि अनाथ झालेल्या बालकांची संख्या मोठी आहे. त्यामुळे त्यांचे वाली कोण? हा प्रश्नदेखील उपस्थित होत आहे.

    हे सुद्धा वाचा