covishield vaccine

केंद्रीय आरोग्य आणि कुटुंब कल्याण मंत्रालयाने कोविशिल्डच्या पहिल्या आणि दुसऱ्या डोसमधील अंतर पुन्हा एकदा कमी केले आहे. दुसऱ्या डोसचे अंतर दोनदा वाढविण्यात आले होते परंतु यावेळी अंतर कमी करण्यात आले आहे. हे केवळ विदेशात जाणाऱ्यांसाठीच आहे. नवीन मार्गनिर्देशनानंतर आता काही विभागांसाठी 84 दिवस प्रतीक्षा करण्याची आवश्यकता नाही. आता 28 दिवसानंतरही कोविशिल्डचा दुसरा डोस घेतला जाऊ शकतो. तथापि, कोवाक्सिनसाठी दोन डोसमधील अंतर अजूनही फक्त 28 दिवसच आहे. त्यात कोणतेही बदल केले गेलेले नाहीत.

    दिल्ली : केंद्रीय आरोग्य आणि कुटुंब कल्याण मंत्रालयाने कोविशिल्डच्या पहिल्या आणि दुसऱ्या डोसमधील अंतर पुन्हा एकदा कमी केले आहे. दुसऱ्या डोसचे अंतर दोनदा वाढविण्यात आले होते परंतु यावेळी अंतर कमी करण्यात आले आहे. हे केवळ विदेशात जाणाऱ्यांसाठीच आहे. नवीन मार्गनिर्देशनानंतर आता काही विभागांसाठी 84 दिवस प्रतीक्षा करण्याची आवश्यकता नाही. आता 28 दिवसानंतरही कोविशिल्डचा दुसरा डोस घेतला जाऊ शकतो. तथापि, कोवाक्सिनसाठी दोन डोसमधील अंतर अजूनही फक्त 28 दिवसच आहे. त्यात कोणतेही बदल केले गेलेले नाहीत.

    कोविशिल्डच्या दोन्ही डोसमधील अंतर तिसऱ्यांदा बदलले आहे. 16 जानेवारीपासून सुरू झालेल्या लसीकरणामध्ये 28 ते 42 दिवसांचा फरक होता. मग 22 मार्च रोजी हे अंतर 6-8 आठवड्यांपर्यंत वाढविण्यात आले. यानंतर, 13 मे रोजी हा फरक 12-16 आठवड्यांपर्यंत कमी झाला.

    नवीन मार्गदर्शक सूचना

    आरोग्य मंत्रालयाचे नवीन मार्गदर्शक तत्त्वे त्यांच्यासाठी आहेत ज्यांना कोविशिल्डचा पहिला डोस मिळाला आहे आणि त्यांना परदेशात जावे लागणार आहे. ही परदेशवारी अभ्यास, रोजगार आणि ऑलिम्पिक संघासाठी असू शकते. अशा लोकांना कोविशिल्डच्या दुसऱ्या डोससाठी 84 दिवस प्रतीक्षा करावी लागणार नाही. त्याआधीही दुसरा डोस दिला जाऊ शकतो.

    कोव्हॅक्सिनला अमेरिकेचा नकार

    हैदराबाद येथे भारत बायोटेक कंपनीकडून उत्पादित केली जाणाऱ्या कोव्हॅक्सिन लशीच्या आपत्कालीन वापरासाठी अमेरिकेने नकार दिला आहे. कोव्हॅक्सिन लशीच्या आपत्कालीन वापरासाठी परवानगी देण्याबाबतचा प्रस्ताव अमेरिकन अन्न व औषध प्रशासनाकडे देण्यात आला होता. मात्र एफडीएने हा प्रस्ताव नामंजूर केला आहे. कोव्हॅक्सिन लशीच्या वापराला परवानगी मिळवण्यासाठी भारत बायोटेकची अमेरिकतील सहकारी कंपनी ओक्यूजेन आयएनसी बायोलॉजिक्स लायसन्सकडे अर्ज करणार आहे. ओक्यूजेन आयएनसी ही भारत बायोटेकची अमेरिकेतील सहकारी कंपनी आहे. या दोन्ही कंपन्या मिळून हैदराबाद याठिकाणी लशीचे उत्पादन घेते आहेत. दरम्यान, भारत बायोटेकने अमेरिकेतील भागीदार ऑक्यूजेन कंपनीच्या माध्यमातून एफडीएकडे कोव्हॅक्सिनच्या आपत्कालीन वापरासाठी मंजुरी मागितली होती. मात्र एफडीएने कोव्हॅक्सिनच्या आपत्कालीन वापरास मंजुरी दिली नाही.

    हे सुद्धा वाचा