laxmi pujan

लक्ष्मीपूजन कसे करावे?
लक्ष्मीपूजन ज्याठिकाणी करावयाचे आहे तिथे पूजेच्या स्थानी नवग्रह यंत्र ठेवा. त्यावर सोन्याचे किंवा चांदीचे नाणे ठेवा. हे उपलब्ध नसल्यास आपण काही नाणी किंवा पैसे देखील ठेवू शकता. त्यानंतर गणपती आणि लक्ष्मी मातेची मूर्ती तबकात घेऊन त्याला दूध, दही आणि गंगाजल याने स्नान घालावे. त्यानंतर या दोन्ही मूर्ती स्वच्छ धुवून-पुसून मुख्य स्थानी विराजमान कराव्यात तसेच त्या फुलांनी देखील सजवाव्यात. त्यानंतर मूर्तीच्या उजव्या बाजूला तुपाचा किंवा तेलाचा पंचमुखी दिवा लावून पूजा संपन्न करावी.

सोनपावलांचे लक्ष्मीपूजन
दिवाळीमधील सर्वांत महत्त्वाचा सण किंवा दिवस म्हणजे लक्ष्मीपूजन. लक्ष्मीपूजन हा दिवस अत्यंत जल्लोषात साजरा केला जातो. यंदा १४ नोव्हेंबर (शनिवार) लक्ष्मीपूजन आहे. यादिवशी धन, लक्ष्मी माता आणि गणपती पूजा केली जाते. तसेच धनदेवता कुबेराची देखील आराधना केली जाते. हा दिवस व्यापारी वर्गासाठी फार महत्त्वाचा असतो. यावेळी ते विशेष चोपडी पूजनदेखील करतात. लक्ष्मीपूजनच्या दिवशी व्यापारी हे आपली चोपडी पूजन करून आपल्या व्यवसायाच्या नव्या वर्षाची सुरुवात करतात. त्यासाठी ते नव्या वहीची (चोपडी) विधीवत पूजा करतात. यालाच चोपडी पूजन असे म्हटले जाते. यावेळी घरोघरी लक्ष्मीचे देखील पूजन केले जाते. घरातील पैसे, सोने-नाणे हे देवीच्या फोटोसमोर मांडून त्याची पूजा केली जाते. मात्र, या पूजेसाठी विशिष्ट असा मुहूर्त असतो.

असे आहेत शुभ मुहूर्त
दर्श अमावस्या, महालक्ष्मी कुबेरपूजन, आश्विन कृष्णपक्ष, शनिवार दि. १४ नोव्हेंबर २०२० दुपारी २.१८ पर्यंत चतुर्दशीनंतर अमावस्या आहे. यावेळी महाकालीपूजन, महालक्ष्मी पूजन, महासरस्वती पूजन, कुबेर पूजन आणि गादीपूजन केले जाते.

प्रदोष काळ: सायंकाळी ५.१४ वाजेपासून ८.३२ वाजेपर्यंत
लाभ योग: सायंकाळी ६.३२ वाजेपासून ८.०२ वाजेपर्यंत

शुभ योग: रात्री ९.३२ वाजेपासून ११.०२ वाजेपर्यंत
अमृत योग: रात्री ११.०२ वाजेपासून १२.३२ वाजेपर्यंत