बिग बींच्या ‘झुंड’ चित्रपटात झळकलेल्या अभिनेत्याला पोलिसांनी ‘या’ कारणास्तव केली अटक!

अमिताभ बच्चन यांच्या ‘झुंड’ या चित्रपटात उत्तम भूमिका साकारत तो चर्चेत आला होता. त्याला फुटबॉल खेळण्याची सुद्धा प्रचंड आवड आहे.

    बॉलिवूड बिग बी अमिताभ बच्चन यांच्यासोबत ‘झुंड’ या चित्रपटात एक अभिनेता झळकला होता. त्याचं नाव प्रियांशु म्हणजेच बाबू रवी क्षेत्री असं आहे. अवघ्या २० वर्षांचा तो आहे. नुकतीच त्याला चोरीच्या आरोपाखाली अटक करण्यात आली आहे.

    अमिताभ बच्चन यांच्या ‘झुंड’ या चित्रपटात उत्तम भूमिका साकारत तो चर्चेत आला होता. त्याला फुटबॉल खेळण्याची सुद्धा प्रचंड आवड आहे. मात्र हलाखीची परिस्थिती आणि वाईट संगती यामुळे प्रियांशु चुकीच्या मार्गावर गेला होता. गेल्या अनेक दिवसांपासून तो चोरीसारखे गैरप्रकार करू लागला होता. तो आपल्या मित्रांच्या साथीने रेल्वेमध्ये चोरी करत होता. त्याचे वडील मजूरीचं काम करतात. तर त्याला तीन बहिणीसुद्धा आहेत.

    प्रियांशु हा मेकोसाबग या ठिकाणी राहतो. त्याला थेट अमिताभ बच्चनसोबत काम करण्याची संधी मिळाल्याने तो आपल्या भागामध्ये खुपचं प्रसिद्ध झाला होता. जेव्हा रेल्वे मध्ये थांबत असे तो आपल्या मित्रांसोबत प्रवाशाचे मोबाईल लंपास करत असे. मात्र आज त्याला व त्याच्या साथी दारांना पोलिसांनी अटक केली आहे. त्यांच्याकडून पोलिसांनी तब्बल ११ मोबाईल जप्त केले आहेत.