केवळ अभिनेता रोनित रॉय आहे म्हणून बॉलिवूड आणि हॉलिवूडचे कलाकार आहेत सुरक्षित, म्हणजे नेमकं काय? वाचा!

रोनित रॉयने फक्त बॉलिवूड सेलिब्रिटी नाही तर अनेक हॉलिवूड सेलिब्रिटींनाही सुरक्षा दिली आहे. एवढंच नाही तर कलाकार आणि त्यांच्या क्रूचे रक्षण करण्यासाठी अनेक चित्रपटांच्या सेटवर त्याचे बॉडीगार्ड दिसले आहेत.

    काही दिवसांपासून अभिनेत्री अनुष्का शर्माच्या बॉडीगार्डची चर्चा सुरू आहे. सेलिब्रिटींचे बॉडीगार्ड हे सतत लाइमलाईटमध्ये असतात. हे बॉडीगार्ड या कलाकारांच्या सावलीसारखे सोबत असतात. खरतर या कलाकारांच्या सुरक्षेच काम ‘क्यूं की सास भी कभी बहु थी’ या मालिकेतील अभिनेता रोनित रॉय करतो.

    रोनित रॉयने फक्त बॉलिवूड सेलिब्रिटी नाही तर अनेक हॉलिवूड सेलिब्रिटींनाही सुरक्षा दिली आहे. एवढंच नाही तर कलाकार आणि त्यांच्या क्रूचे रक्षण करण्यासाठी अनेक चित्रपटांच्या सेटवर त्याचे बॉडीगार्ड दिसले आहेत. रोनितने २ दशकांपूर्वी त्याची सुरक्षा एजन्सी सुरु केली. या एजन्सीच्या माध्यमातून तो हॉलीवूडच्या अनेक सेलिब्रिटींना देखील सुरक्षा देतो. मात्र, एजन्सी सुरु करण्याआधी रोनित हॉटेलमध्ये भांडी धुवायचा. हॉटेलमध्ये भांडी धुण्यापासून एजन्सीची सुरुवात करे पर्यंत त्याने अनेक अडचणींचा सामना केला.

    पहिला चित्रपट सुपरहिट ठरल्यावर पुढचे चार वर्षे रोनित बेरोजगार होता. जेवायलाही पैसे नव्हते अशी अवस्था होती. रोनितला इतर कलाकारांसारखेच अभिनेता होण्याची इच्छा होती. मात्र, चित्रपटांमध्ये काम न मिळाल्यामुळे त्याने हॉटेलमध्ये मॅनेजमेंट ट्रेनी म्हणून काम करण्यास सुरवात केली. तिथे त्याने भांडी धुण्यापासून ते बार टेंडिंग आणि टेबलावर जेवण सर्व करायच्या कामा पर्यंत सगळी काम केली.

    एका मुलाखतीत तो म्हणाला होता की त्याला एका एपिसोडसाठी २ हजार रूपये मिळायचे. मग रोनितने स्वत: व्यवसाय करण्याचा निर्णय घेतला. तेव्हा रोनितने विचार केला की कलाकारांना सुरक्षा देण्याचं काम सुरु केलं पाहिजे. तेव्हा रोनितने एक सिक्योरिटी एजन्सीची सुरुवात केली. या एजन्सीचं नाव Ace Security And Protection Agency आहे.