29 वर्षीय साऊथ अभिनेत्रीची आत्महत्या, घरात पंख्याला लटकलेला मृतदेह सापडला

साउथ इंडस्ट्रीतून एक मोठी बातमी समोर येत आहे. 29 वर्षीय साऊथ अभिनेत्रीने आत्महत्या केली आहे. दीपा नावाच्या या अभिनेत्रीने राहत्या घरी गळफास लावून आपले जीवन संपवले. दीपाचे खरे नाव पॉलिन जेसिका होते. अभिनेत्रीचा मृतदेह त्यांच्या अपार्टमेंटमध्ये आढळून आला. रिपोर्ट्सनुसार, दीपाने हे पाऊल तिच्या लव्ह लाईफमध्ये सुरू असलेल्या समस्यांमुळे उचलले आहे.

    साऊथ फिल्म इंडस्ट्रीतील अभिनेत्री दीपाने 18 सप्टेंबर रोजी आत्महत्या केली. दीपाचा मृत्यू आत्महत्या असल्याचे मानून पोलिसांनी तपास सुरू केला आहे. काही रिपोर्ट्सनुसार, दीपा एका मुलावर खूप प्रेम करत होती, पण त्यांच्या नात्यात काहीही बरोबर नव्हते. नात्यातील अडचणींमुळे तिने गळफास घेऊन आत्महत्या केली. दैनिक भास्करने दिलेल्या वृत्तानुसार, पोलीस दीपाच्या आत्महत्येमागील कारण शोधत आहे. तपास सुरू असून पोलिस या व्यक्तीपर्यंत पोहोचण्याचा प्रयत्न करत आहेत.

    दिवंगत अभिनेत्री दीपा या चेन्नईच्या विरुगम्बक्कम येथील मल्लिकाई एव्हेन्यूमध्ये एकट्या राहत होत्या. दीपाचे कुटुंबीय फोनद्वारे तिच्याशी जोडले गेले. मात्र गेल्या काही दिवसांपासून ती फोनला उत्तर देत नव्हती. जेव्हा अभिनेत्रीचा मित्र प्रभाकरन तिच्या घरी पोहोचला तेव्हा ही घटना उघडकीस आली. अलीकडेच तामिळ इंडस्ट्रीत आत्महत्येच्या दोन घटना घडल्या आहेत. दीपाच्या आत्महत्येपूर्वी लोकप्रिय तमिळ गीतकार कालिबान यांची मुलगी थुरिगाई हिनेही आत्महत्या केली होती.