Music Event अजीवसन ACT २०२३: संगीत आणि प्रेरणेचा विजयी उत्सव

सुरेश वाडकर यांच्या अजीवसन म्युझिक अँड डान्स अकादमीने आयोजित केलेल्या बहुप्रतीक्षित अशा संगीत कार्यक्रम अजीवसन ACTचा दुसरा सीझन सांताक्रूज़ येथे यशस्वीरित्या पार पडला. अजीवसन म्युझिक अकादमीमध्ये आयोजित या कार्यक्रमात संगीत उद्योगातील नामवंत दिग्गज, नवोदित कलाकार आणि संगीतप्रेमी एकत्र आलेले.

सुरेश वाडकर यांच्या अजीवसन म्युझिक अँड डान्स अकादमीने आयोजित केलेल्या बहुप्रतीक्षित अशा संगीत कार्यक्रम अजीवसन ACTचा दुसरा सीझन सांताक्रूज़ येथे यशस्वीरित्या पार पडला. अजीवसन म्युझिक अकादमीमध्ये आयोजित या कार्यक्रमात संगीत उद्योगातील नामवंत दिग्गज, नवोदित कलाकार आणि संगीतप्रेमी एकत्र आलेले. यावेळी सुरेश वाडकर, सोनू निगम, पद्मा वाडकर, राहुल वैद्य आणि श्रेयस पुराणिक हे प्रमुख गायक उपस्थित होते.

कार्यक्रमाची सुरुवात रेखा भारद्वाज, स्वानंद किरकिरे आणि पीयूष मिश्रा या नामवंत व्यक्तींच्या चर्चासत्राने झाली.चर्चासत्रात संगीत उद्योगाच्या विविध पैलूंवर चर्चा करण्यात आली. यात निर्मितीप्रक्रिया ते व्यवसायिक पैलू यांचा समावेश होता. या चर्चासत्रातून प्रेक्षकांना अमूल्य अंतर्दृष्टी आणि प्रेरणा मिळाली. कार्यक्रमाचे मुख्य आकर्षण प्रसिद्ध गायक सुखविंदर सिंह आणि प्रतिभावान अजीवसन विद्यार्थ्यांचे लाइव्ह परफॉर्मन्स ठरले. बॉलीवूड गायक सुखविंदर सिंह यानी लोकप्रिय गाण्यांच्या गायनाने प्रेक्षकांना मंत्रमुग्ध केले, तर अजीवसनच्या विद्यार्थ्यांनी त्यांच्या अविश्वसनीय कौशल्य आणि क्षमतांचे प्रदर्शन केले.

अजीवसन ACT हा एक अनोखा मंच आहे जो संगीताच्या क्षेत्रात कला, वाणिज्य आणि तंत्रज्ञान एकत्रितपणे आणतो. या कार्यक्रमाचा उद्देश कलाकारांना सक्षम करणे आणि वंचित मुलांना मोफत संगीत देणे हा आहे. या कार्यक्रमातून मिळणाऱ्या उत्पन्नाचा उपयोग या संगीत शिक्षणासाठी केला जाणार आहे.

अजीवसन अकादमी आणि स्टुडिओचे शो डायरेक्टर पद्मा वाडकर म्हणतात, “अजीवसन ACT हा संगीताच्या शक्तीचा जश्न साजरा करणारा एक अद्भुत मंच असुन उभरत्या कलाकारांसाठी सर्वोत्तमांकडून शिकण्याची आणि जगाला त्यांची प्रतिभा दाखवण्याची एक चांगली संधी आहे.”

जेष्ठ गायक सुरेश वाडकर संगीत क्षेत्राला संबोधित करताना म्हणाले की,  “अजीवसन ACT ही प्रेरणा एक सिंफनी असुन, जिथे संगीताचे उस्ताद आपले ज्ञान सर्व सामायिक करतात . हा असा मंच आहे जिथे कलात्मकता वाणिज्य आणि तंत्रज्ञानाशी ओळख होते, जिथे स्वप्ने आकार घेतात आणि पूर्ण होतात”.