Emergency Emergency चित्रपटातील अनुपम खेर यांचा लूक रिलीज; जय प्रकाश नारायण यांची भूमिका साकारणार

काही दिवसांपूर्वी कंगनानं Emergency चित्रपटाचा टीझ सोशल मीडिया अकाऊंवर शेअर केला होता. या टीझरनं अनेकांचे लक्ष वेधले.

काही दिवसांपुर्वी इमरजंसी ( Emergency ) चित्रपटातील अभिनेत्री कंगना रनौतचा (Kangana Ranaut) लूक रिलीज झाला होता. या चित्रपटामध्ये कंगनानं इंदिरा गांधी यांची भूमिका साकारली आहे. आता अभिनेते अनुपम खेर (Anupam Kher) यांचा या चित्रपटामधील लूक समोर आला आहे. जय प्रकाश नारायण यांच्या भूमिकेत ते दिसणार आहे.

अभिनेते अनुपम खेर यांनी इमरजंसी चित्रपटातील त्यांच्या लूकचा फोटो सोशल मीडियावर शेअर केला आहे. या चित्रपटामध्ये ते जय प्रकाश नारायण यांची भूमिका साकारणार आहेत. अनुपम खेर यांचा हा लूक पाहिल्यानंतर आता चाहते या चित्रपटाची उत्सुकतेने वाट बघत आहेत. इमरजंसी चित्रपटातील लूकचा फोटो सोशल मीडियावर शेअर करुन अनुपम खेर यांनी कॅप्शनमध्ये लिहिलं, ‘कंगनानं दिग्दर्शित केलेल्या इमरजंसी या चित्रपटामध्ये जय प्रकाश नारायण यांची भूमिका साकारताना अभिनमान आणि आनंद वाटत आहे. जय हो!’

काही दिवसांपूर्वी कंगनानं Emergency चित्रपटाचा टीझ सोशल मीडिया अकाऊंवर शेअर केला होता. या टीझरनं अनेकांचे लक्ष वेधले. हा टीझर शेअर करुन तिनं कॅप्शनमध्ये लिहिलं, ‘Presenting ‘Her’who was called ‘Sir’ इमरजंसीच्या शूटिंगला सुरुवात’ टीझरच्या सुरुवातीला वॉशिंग्टन डी. सी 1971 असं लिहिलेलं दिसत आहे. इमरजंसी चित्रपटाचे दिग्दर्शन, कथा लेखन आणि निर्मिती देखील कंगनानं केलं आहे. चित्रपटाचा स्क्रिनप्ले आणि संवाद लेखन हे रितेश शाह यांनी केलं आहे. कंगनाच्या चाहत्यांनी या टीझरला कमेंट करुन तिला शुभेच्छा दिल्या आहेत.