मराठी हॉरर थ्रिलर चित्रपट ‘बळी’ (Bali)भारतामध्‍ये आणि जगभरातील २४० हून(Bali Movie Release Date) अधिक देश व प्रदेशांमध्‍ये ९ डिसेंबर रोजी प्राइम व्हिडिओवर(Amazon Prime Video) प्रदर्शित होण्‍यास सज्‍ज झाला आहे.
ॲमेझॉन प्राइम व्हिडिओने(Amazon Prime Video) आज मराठी हॉरर थ्रिलर चित्रपट ‘बळी’च्‍या(Bali) जागतिक रिलीजची घोषणा केली. या चित्रपटामध्‍ये मराठी चित्रपट सृष्‍टीमधील सर्वात प्रख्‍यात कलाकार स्‍वप्‍नील जोशी(Swapnil Joshi), पूजा सावंत(Pooja Sawant) व समर्थ जाधव (Samarth Jadhav)असणार आहेत. चित्रपट निर्माता विशाल फ्यूरिया यांचे दिग्‍दर्शन आणि अर्जुन सिंग बराण व कार्तिक डी.निशानदार यांच्‍या ग्‍लोबल स्‍पोर्टस् एंटरटेन्‍मेंट ॲण्‍ड मीडिया सोल्‍यूशन्‍स प्रायव्‍हेट लिमिटेडद्वारे निर्मित चित्रपट ‘बळी’ भारतामध्‍ये आणि जगभरातील २४० हून अधिक देश व प्रदेशांमध्‍ये ९ डिसेंबर(Bali Movie Release Date) रोजी प्राइम व्हिडिओवर प्रदर्शित होण्‍यास सज्‍ज झाला आहे.
चित्रपट ‘बळी’ विधुर, मध्‍यमवर्गीय वडिल श्रीकांतच्‍या (स्‍वप्‍नील जोशी) जीवनप्रवासाला दाखवतो. त्‍याचा ७ वर्षांचा मुलगा मंदार (समर्थ जाधव) चक्‍कर येऊन पडतो आणि सविस्‍तर निदानासाठी त्‍याला जनसंजीवन हॉस्पिटलमध्‍ये नेते जाते. येथून श्रीकांतच्‍या जीवनाला अनपेक्षित कलाटणी मिळते. स्थितीला रोमांचक वळण मिळते जेव्‍हा मंदार रहस्‍यमय परिचारिकेसोबत बोलायला सुरूवात करतो. तो ती परिचारिका हॉस्पिटलच्‍या पडक्‍या भागामध्‍ये राहत असल्‍याचा दावा करतो.
‘ॲमेझॉन प्राइम व्हिडिओने नेहमीच प्रेक्षकांसाठी कथानक, रोमांचक पटकथा व लक्षवेधक अभिनयासंदर्भात वरचढ ठरणारे कंटेंट सादर करण्‍याचा प्रयत्‍न केला आहे.’ असे ॲमेझॉन प्राइम व्हिडिओच्‍या भारतीय कंटेंटचे संपादन प्रमुख मनिष मेंघानी म्‍हणाले.
दिग्‍दर्शक विशाल फ्युरिया म्‍हणाले, हॉरर या शैलीने माझे लक्ष वेधून घेतले आहे आणि या शैलीमधील प्रत्‍येक चित्रपटासह काहीतरी नवीन घेऊन येण्‍याचा माझा सातत्‍याने प्रयत्‍न राहिला आहे. सर्वोत्तम भयपट म्‍हणजे मनावैज्ञानिकाशी संबंधित चित्रपट, जे वास्‍तविकतेपासून दूर असलेल्‍या पात्रांसाठी सहानुभूती निर्माण करतात. आपण जे पाहतो त्‍यावर जितका अधिक विश्‍वास ठेवू, ते तितके अधिक रोमांचक बनत जाते. हेच‘बळी’च्‍या बाबतीत आहे. या चित्रपटामधील सर्व पात्रांमधील भावना, भय लक्षवेधक आहेत.
मी माझ्यावर कामावर विश्‍वास ठेवण्‍यासाठी निर्माते अर्जुन व कार्तिक यांचे आभार मानतो. चित्रपट ‘छोरी’ला मिळालेल्‍या उत्‍स्‍फूर्त प्रतिसादानंतर मी ॲमेझॉन प्राइम व्हिडिओवर प्रदर्शित झाल्‍यानंतर या चित्रपटाप्रती प्रेक्षकांच्‍या प्रतिक्रिया जाणून घेण्‍यास उत्‍सुक आहे.
