‘सरसेनापती हंबीरराव’ 27 मेला होणार रिलीज

प्रभासने सोशल मीडियावर एक पोस्ट लिहित चित्रपटाचे कौतुक केले. 

    मराठी सिनेसृष्टीतील बहुप्रतिक्षित सरसेनापती हंबीरराव सिनेमा रिलीज डेट जाहीर झाली आहे.चित्रपट येत्या 27 मे रोजी प्रदर्शित होणार आहे. प्रविण तरडे यांनी सोशल मीडिया पोस्टद्वारे प्रदर्शनाची तारीख जाहीर केली आहे. प्रविण विठ्ठल तरडे यांची कथा, पटकथा, संवाद आणि दिग्दर्शन असलेला ‘सरसेनापती हंबीरराव’ हा महत्त्वकांक्षी सिनेमा आहे. या सिनेमात सरसेनापती हंबीररावची भूमिका खुद्द प्रविण तरडेच साकारणार आहेत.

    या सिनेमात आणखी कोणते कलावंत दिसणार याबाबत उत्सुकता होती. ही उत्सुकता आता संपली आहे कारण या सिनेमात प्रविण तरडे यांच्यासह गश्मिर महाजनी अत्यंत महत्तावाच्या भूमिकेत दिसणार आहे. शिवजयंतीच्या मुहूर्तावर यातील एका महत्वपूर्ण व्यक्तिरेखेचा ‘चेहरा’ समोर आला होता.  गश्मीर महाजनी ‘सरसेनापती हंबीरराव’ या चित्रपटात छत्रपती शिवाजी महाराजांच्या भूमिकेत दिसणार आहे.

    तसंच या सिनेमाची उत्सुकता फक्त सिनेप्रेमींनाच नाही तर बाहुबली फेम प्रभासलादेखील आहे. ‘बाहुबली’ फेम अभिनेता प्रभास याने प्रविण तरडे यांच्या ‘सरसेनापती हंबीरराव’ या चित्रपटाच्या टीझरचे जाहीर कौतुक केले होते. प्रभासने सोशल मीडियावर एक पोस्ट लिहित चित्रपटाचे कौतुक केले.