अभिनेत्री भूमी पेडणेकरला (Bhumi Pednekar) या वर्षीचा प्रतिष्ठेचा ‘डिसरप्टर ऑफ द इयर’ पुरस्कार देऊन गौरवण्यात आले आहे.
इंडियन फिल्म फेस्टिवल ऑफ मेलबर्नतर्फे (Indian Film Festival Of Melbourne) (आयएफएफएम) बॉलिवूड अभिनेत्री भूमी पेडणेकरला (Bhumi Pednekar) या वर्षीचा प्रतिष्ठेचा ‘डिसरप्टर ऑफ द इयर’ पुरस्कार देऊन गौरवण्यात आले आहे. अडथळे मोडून काढण्याचे आणि फिल्म इंडस्ट्रीच्या सीमा विस्तारणाऱ्या व्यक्तीला आयएफएफएममध्ये ‘डिसरप्टर ऑफ द इयर’ हा पुरस्कार दिला जातो. (Disruptor Of The year)
‘दम लगा के हैशा’ या तिच्या पहिल्या फिल्ममध्ये भूमीने नायिकेच्या साच्यात न बसणारी भूमिका केली होती. त्यानंतरही ‘बधाई दो’, ‘डॉली किटी और वह चमकते सितारे’, ‘टॉयलेट: एक प्रेमकथा’ अशा अनेक सामाजिक विषय हाताळणाऱ्या फिल्म्स भूमीने केल्या आहेत. रुढींना आव्हान देणाऱ्या आणि सहसा दुर्लक्षित असलेल्या गोष्टी प्रकाशात आणणाऱ्या व्यक्तिरेखांची निवड ती सातत्याने करत आली आहे. गेल्या 7 वर्षांपासून फिल्म इंडस्ट्रीत काम करत असलेल्या भूमिकेला तिच्या अभिनयासाठी 26 पुरस्कार मिळाले आहेत. त्यामुळे देशातील सर्वोत्तम अभिनेत्रींपैकी ती एक आहे.
भूमी पेडणेकर पुरस्काराबद्दल म्हणाली, “आयएफएफएममध्ये ‘डिसरप्टर ऑफ द इयर’ हा पुरस्कार स्वीकारताना मला सन्मानित झाल्यासारखे आणि भारावून गेल्यासारखे वाटत आहे. या पुरस्काराच्या रूपाने मिळालेली मान्यता माझ्यासाठी खूप सुखद आहे. कारण, मी साध्या सरळ रस्त्यावर कधीच चालले नाही. सातत्याने अडथळे दूर करत पुढे गेले. त्याचा परिणाम आता दिसतोय. मी आजवर केलेल्या प्रत्येक फिल्मचा मला अभिमान वाटतोच पण ‘बधाई दो’चा मला जास्त अभिमान वाटतो, कारण, या फिल्मच्या माध्यमातून मी भारतातील एलजीबीटीक्यूआयए+ समुदायाला पाठिंबा देऊ शकले.”
भूमी पेडणेकरचा मनोरंजनाच्या क्षेत्रातील प्रवास हा लक्षणीय आहे. केवळ प्रेक्षकांना आपल्याशा वाटणाऱ्या नव्हे तर समाजातील समस्यांवर भाष्य करणाऱ्या भूमिकांची निवड हे या प्रवासाचे वैशिष्ट्य आहे.
भूमी पेडणेकर म्हणाली, “एक डिसरप्टर म्हणून मी नेहमीच शक्यतांकडे नव्या दृष्टीने बघण्याचा, साचे मोडण्याचा आणि समावेशकतेच्या माध्यमातून बदलासाठी नवीन मार्ग खुले करण्याचा प्रयत्न केला आहे. हा पुरस्कार म्हणजे माझ्या या प्रवासाचा गौरव नाही, तर वेगळी स्वप्ने बघण्याचे धैर्य दाखवणाऱ्या आणि जगात सकारात्मक बदल घडवून आणण्याचा प्रयत्न करणाऱ्या सर्व निर्भय व्यक्तींना केलेलं ते वंदन आहे.”
या पुरस्काराच्या माध्यमातून भूमी पेडणेकरची सिनेमाच्या विश्वातील चाकोरी मोडणारी (डिसरप्टर) ही प्रतिमा तर आणखी दृढ झाली आहेच, शिवाय, फिल्म्सच्या माध्यमातून समाजाच्या विचाराला आकार देणारा तसेच सद्यपरिस्थितीला आव्हान देणाऱ्या भवितव्याचा मार्गही मोकळा होणार आहे.
Loading ...