यंदा नोव्हेंबर महिन्यात रंगणार युरोपियन युनियन फिल्म फेस्टिव्हल, ६० चित्रपट पाहण्याची संधी

युरोपियन फिल्म फेस्टिव्हल २०२१ (European Union Film Festival 2021) नोव्हेंबर महिन्यात संपन्न होणार आहे. यंदा या महोत्सवाचं २६ वं वर्ष असून नोव्हेंबर २०२० पर्यंतच्या ६० चित्रपटांचा भारतीय प्रेक्षकांना आस्वाद घेता येणार आहे.

    युरोपियन युनियनच्या(European Union) शिष्टमंडळानं संयुक्तपणे आयोजित युरोपियन युनियन फिल्म फेस्टिव्हल २०२१ (European Union Film Festival 2021) नोव्हेंबर महिन्यात संपन्न होणार आहे. यंदा या महोत्सवाचं २६ वं वर्ष असून नोव्हेंबर २०२० पर्यंतच्या ६० चित्रपटांचा भारतीय प्रेक्षकांना आस्वाद घेता येणार आहे.

    या महोत्सवामध्ये समीक्षकांनी प्रशंसित केलेले समकालीन युरोपियन चित्रपट आहेत. या चित्रपटांनी कान, लोकार्नो, सॅन सेबेस्टियन, कार्लोवीवेरी आणि व्हेनिससारख्या महोत्सवांमध्ये प्रशंसा मिळावली आहे. डिजिटल पुनर्संचयित आणि पुनर्रचित केलेल्या चित्रपटांचा एक अनोखा संच देखील यात सादर केला जाईल. ज्यात अग्रगण्य हंगेरियन दिग्दर्शक मर्टा मेस्झोरोस ‘द गर्ल, ऑस्कर-विजेत्या क्लोजली वॉच ट्रेन्स, रोसेलिनीचेनि ओरिअलिस्ट नाटक रोम, ओपनसिटी आणि अत्यावश्यक दलास्ट स्टेज वांडा जकूबोस्का हे असतील. भारतीय चित्रपटसृष्टीचा चिरंतन वारसा आणि सत्यजित रे यांच्या जन्मशताब्दीनिमित्त श्रद्धांजली म्हणून, या महोत्सवात क्रांतिकारी कल्पना व अभिजात गोष्टींचा आस्वाद घेता येईल.

    यंदाच्या महोत्सवमुळं चित्रपटसृष्टीत यूरोपला नवीन दालन निर्माण करणारा ठरेल. ज्यात युरोपियन आणि भारतीय चित्रपट उद्योगाच्या प्रतिभाची नव्यानं ओळख होईल. व्यावसायिक भारतीय पटकथा लेखकांसाठी एक स्क्रिप्ट डेव्हलपमेंट वर्कशॉपचा समावेश यात असेल. या महोत्सवमुळं भारत आणि यूरोप यांच्या सर्जनशील आणि सांस्कृतिक देवाणघेवाण वाढविण्यासाठी नक्कीच उपयोग होईल.