खुशी कपूर आणि इब्राहिम अली खानच्या ‘नादानियां’च्या शूटिंगला सुरुवात! चित्रपटाच्या सेटवरून लीक झाला फोटो

या चित्रपटाचे शूटिंग पुण्यात सुरू आहे. एका सोशल मीडिया वापरकर्त्याने इंस्टाग्रामवर फोटो शेअर करून सांगितले की, खुशी कपूर आणि इब्राहिम अली खान पुण्यातील एका खासगी विद्यापीठात औरी चित्रपटाच्या शूटिंगसाठी उपस्थित होते.

    अभिनेत्री खुशी कपूरने झोया (Khushi Kapoor) अख्तरच्या ‘द आर्चीज’ या चित्रपटातून तिच्या अभिनय कारकिर्दीला सुरुवात केली. आता ती दिग्दर्शक शौना गौतमच्या आगामी चित्रपटात दिसणार आहे. रिपोर्ट नुसार, खुशी कपूरसोबत सैफ अली खानचा मुलगा इब्राहिम अली खान (Ibrahim Ali Khan) मुख्य भूमिकेत दिसणार आहे. आता या चित्रपटाचे शूटिंग सुरू झाल्याची वृत्त समोर येत आहे.

    शूटिंग सेटवरील फोटो लीक

    शूटिंगचा एक फोटो सोशल मीडियावर लीक झाला आहे, जो लगेच व्हायरल झाला. या चित्रपटाचे शूटिंग पुण्यात सुरू आहे. एका सोशल मीडिया युझरने इंस्टाग्रामवर फोटो शेअर करून सांगितले की, खुशी कपूर आणि इब्राहिम अली खान पुण्यातील एका खासगी विद्यापीठात चित्रपटाच्या शूटिंगसाठी उपस्थित होते. समोर आलेल्या चित्रात, खुशी कपूर गुलाबी रंगाचा ड्रेस परिधान करताना दिसली  ज्यावर तिने डेनिम जॅकेट घातले होते. या लूकमध्ये ती खूपच सुंदर दिसत होती.

    दोघांची केमेस्ट्री पाहायला मिळणार

    ‘नादानियां’ (Naadaniyaan) नावाचा रोमँटिक-कॉमेडी चित्रपट धर्मा प्रॉडक्शनच्या बॅनरखाली तयार होत आहे, ज्यात खुशी कपूर आणि इब्राहिम अली खान मुख्य भूमिकेत आहेत. मात्र, याबाबत अद्याप कोणतीही अधिकृत घोषणा करण्यात आलेली नाही. शौना गौतमच्या दिग्दर्शनाखाली बनत असलेल्या या चित्रपटाबद्दल करण जोहरही खूप उत्सुक आहे. या चित्रपटाचा मुहूर्त शॉटही त्याने त्याच्या सोशल मीडिया हँडलवरून शेअर केला आहे. शौनाने यापूर्वी ‘रॉकी और रानी की प्रेम कहानी’मध्ये सहाय्यक दिग्दर्शक म्हणून काम केले आहे. रिपोर्ट्सनुसार, खुशी आणि इब्राहिमचा हा चित्रपट थेट OTT वर प्रदर्शित होणार आहे. या चित्रपटात सुनील शेट्टीचाही समावेश असल्याच्या बातम्या येत आहेत.

    खुशी-इब्राहिमचे आगामी चित्रपट

    खुशी आणि इब्राहिमच्या आगामी चित्रपटांबद्दल बोलायचे तर, ‘नादानियां’ व्यतिरिक्त, खुशी कपूर अभिनेता आमिर खानचा मुलगा जुनैद खानसोबत ‘लव्ह टुडे’च्या हिंदी रिमेकची तयारी करत आहे. या चित्रपटाचे शूटिंग या उन्हाळ्यात सुरू होणार आहे. या चित्रपटातही ती जुनैदच्या प्रेमात दिसणार आहे. दरम्यान, जर आपण इब्राहिमबद्दल बोललो तर तो आधीपासूनच त्याच्या पहिल्या अभिनय प्रकल्पावर काम करत आहे. अभिनेता काजोलसोबत एका थ्रिलर चित्रपटात दिसणार असल्याची माहिती आहे.