छत्रपती संभाजीनगरमध्ये डॉ. बाबासाहेब आंबेडकर यांनी स्थापन केलेल्या मिलिंद महाविद्यालयात ‘घर बंदूक बिरयानी’ (Ghar Banduk Biryani) चित्रपटाचं प्रमोशन सुरु असताना डॉ. बाबासाहेब आंबेडकरांचे विद्यार्थी म्हणून ओळखल्या जाणाऱ्या, वयाची नव्वदी पार केलेल्या टी. एन. गायकवाड (T. N. Gaikwad) यांची त्यांच्या स्वगृही जाऊन नागराज पोपटराव मंजुळे यांनी आवर्जून भेट घेतली व त्यांच्यासोबत वेळ घालवला.
हेमंत जंगल अवताडे दिग्दर्शित ‘घर बंदूक बिरयानी’ (Ghar Banduk Biryani) हा चित्रपट प्रदर्शनाच्या वाटेवर असतानाच या चित्रपटाची संपूर्ण टीम महाराष्ट्रात सध्या जोरदार प्रमोशन करीत आहे. झी स्टुडिओज आणि नागराज पोपटराव मंजुळे(Nagraj Manjule) प्रस्तुत, आटपाट निर्मित ‘घर बंदूक बिरयानी’ हा चित्रपट येत्या 7 एप्रिल रोजी प्रदर्शित होणार आहे.
नागराज मंजुळे, सयाजी शिंदे, आकाश ठोसर, सायली पाटील ही संपूर्ण टीम चित्रपटाच्या प्रमोशनसाठी छत्रपती संभाजीनगरमध्ये दाखल झाली होती. छत्रपती संभाजीनगरमध्ये डॉ. बाबासाहेब आंबेडकर यांनी स्थापन केलेल्या मिलिंद महाविद्यालयात या चित्रपटाचं प्रमोशन सुरु असताना डॉ. बाबासाहेब आंबेडकरांचे विद्यार्थी म्हणून ओळखल्या जाणाऱ्या, वयाची नव्वदी पार केलेल्या टी. एन. गायकवाड (T. N. Gaikwad) यांची त्यांच्या स्वगृही जाऊन नागराज पोपटराव मंजुळे यांनी आवर्जून भेट घेतली व त्यांच्यासोबत वेळ घालवला.
टी. एन. गायकवाड यांना नागराज मंजुळे यांनी एक प्रश्न विचारला, “बाबासाहेबांना तुम्ही हात लावला आहे का?” त्यावर टी. एन. गायकवाड म्हणाले, “हो! बाबासाहेबांचे पाय मी नेहमी चेपायचो, त्यांचे पाय खूप मऊ होते.” यावरून बाबासाहेबांना गायकवाड यांनी किती जवळून अनुभवलं आहे याचा प्रत्यय येतो. जाता जाता टी. एन. गायकवाड यांनी स्वहस्ते नागरा मंजुळे यांना डॉ. बाबासाहेब आंबेडकरांच्या जीवनपटावर आधारित पुस्तक भेट म्हणून दिले.
नागराज मंजुळे म्हणाले, “बाबासाहेबांचा सहवास लाभलेल्या व्यक्तीची भेट होणे ही माझ्यासाठी फार मोलाची गोष्ट आहे. टी. एन. गायकवाडांसोबत बोलताना मला त्यावेळी डॉ. बाबासाहेब आंबेडकर कसे होते हे जाणून घेता आले. इतक्या थोर व्यक्तीचे आशीर्वाद आमच्या चित्रपटाला मिळणं हे आमच्यासाठी फार अभिमानास्पद आहे.”
Loading ...