draupadi

बॉलिवूड चित्रपट निर्माते राम कमल मुखर्जी हे 'द्रौपदी' या चित्रपटाचे दिग्दर्शन करणार असून रुक्मिणी मैत्रा ही द्रौपदीची मुख्य भूमिका साकारणार आहे.

    आंतरराष्ट्रीय किर्तीचे सुप्रसिद्ध चित्रपट निर्माते राम कमल मुखर्जी रुक्मिणी मैत्रासोबत ‘द्रौपदी’ हा चित्रपट करणार असून बिनोदिनी-एकटी नातीर उपाख्यान, थिएटर लीजेंड बिनोदिनी दासी यांच्यावर आधारित बंगाली बायोपिकनंतर हा त्यांचा दुसरा बिग बजेट प्रोजेक्ट आहे.

    देव एन्टरटेन्मेंट व्हेंचर्स आणि प्रमोद फिल्म्स या चित्रपटाच्या निमित्ताने पुन्हा एकदा महाभारताची जादुई कथा रुपेरी पडद्यावर आणण्यासाठी एकत्र येणार आहेत. बंगालचे सुपरस्टार देव अधिकारी आणि मुंबईचे प्रतीक चक्रवर्ती हे या चित्रपटाचे निर्माते आहेत. या चित्रपटाचे मोशन पोस्टर नुकतेच सोशल मीडियावर लाँच करण्यात आले.

    बॉलिवूड चित्रपट निर्माते राम कमल मुखर्जी हे या चित्रपटाचे दिग्दर्शन करणार असून रुक्मिणी मैत्रा ही द्रौपदीची मुख्य भूमिका साकारणार आहे. हा चित्रपट प्रख्यात लेखिका प्रतिभा रे यांच्या पुरस्कार विजेत्या ओडिया कादंबरी यज्ञसेनीवर आधारित आहे.

    प्रतिभा रे म्हणाल्या, दिग्दर्शक राम कमल यांनी प्रकाशक रुपा पब्लिकेशन्सच्या माध्यमातून यज्ञसेनीच्या चित्रपट हक्कांसाठी माझ्याकडे संपर्क साधला तेव्हा मला आनंद झाला. यासाठी आनंद झाला की आजही भारतीय चित्रपट निर्मात्यांना महाभारताच्या कथेमध्ये रस आहे, हे जाणवलं.

    माझे पुस्तक, यज्ञसेनी, महाभारताच्या दृश्‍यातून ‘यज्ञसेनी’ या विषयावर आधारित आहे.यज्ञसेनी हे संयम, तपश्चर्या आणि सामर्थ्याचे प्रतीक आहे. राम कमल स्वतः एक लेखक असल्याने यज्ञसेनी आणि त्यांच्या कथेला नक्कीच न्याय देईल. मला वाटतं की, आपल्या महाकाव्यांची पुनरावृत्ती करण्यासाठी आणि नवीन पिढीला आपली संस्कृती आणि वारसा सांगण्यासाठी ही योग्य वेळ असल्याचं लेखिका प्रतिभा रे यांनी सांगितलं.

    बंगालची आघाडीची अभिनेत्री रुक्मिणी मैत्रा म्हणते, बिनोदिनी एक्ती नातीर उपाख्याननंतर राम कमलसोबत पुन्हा एकत्र येणे हे आनंददायक आहे, कारण त्यांनी  अत्यंत आव्हानात्मक असलेल्या पात्र सहजतेने साकारण्याचा अनुभव दिलाय.  महाभारताचा एक भाग बनणे हा सन्मान आहे, हा विषय प्रत्येक भारतीयाच्या खूप जवळचा आहे.

    पटकथा पूर्ण झाल्यावर उर्वरित कलाकार आणि तांत्रिक टीम ठरेल. या चित्रपटासाठी निदान चार महिने पूर्व-निर्मिती आणि कठोर कार्यशाळेची आवश्यकता आहे. हा चित्रपट बंगाली भाषेत तयार होणार असून संपूर्ण भारतात प्रदर्शित होणार असल्याचं दिग्दर्शक राम कमल मुखर्जी यांनी सांगितलं.