‘द रेपिस्ट’ चित्रपटाने रोवला यशाचा झेंडा, आंतरराष्ट्रीय चित्रपट महोत्सवात धुमाकूळ

जगभरात गाजत असलेल्या 'द रेपिस्ट' ने त्याची एक ठोस सुरुवात केली आहे. हा चित्रपट राष्ट्रीय पुरस्कार विजेत्या अपर्णा सेन यांनी दिग्दर्शित केला आहे. 'द रेपिस्ट' आता ऑगस्टमध्ये मेलबर्नच्या इंडियन फिल्म फेस्टिव्हलमध्ये दाखवला जाईल. या चित्रपटाला IFFM मध्ये 'सर्वोत्कृष्ट चित्रपट', 'सर्वोत्कृष्ट दिग्दर्शक' आणि 'सर्वोत्कृष्ट अभिनेत्री' अशी तीन नामांकनेही मिळाली आहेत.

    अ‍ॅप्लॉज एंटरटेनमेंटची पहिली फिचर फिल्म ‘द रेपिस्ट’ला सर्वत्र उदंड प्रतिसाद मिळत आहे. यापूर्वी, Applause Entertainment ने Criminal Justice, Rudra: The Age of Darkness and Scam 1992 यासह अनेक यशस्वी प्रीमियम ड्रामा मालिका दिल्या आहेत. आता Applause Entertainment ने चित्रपटांच्या दुनियेत प्रवेश केला आहे आणि जगभरात गाजत असलेल्या ‘द रेपिस्ट’ ने त्याची एक ठोस सुरुवात केली आहे. हा चित्रपट राष्ट्रीय पुरस्कार विजेत्या अपर्णा सेन यांनी दिग्दर्शित केला आहे आणि क्वेस्ट फिल्म्स प्रायव्हेट लिमिटेड यांच्या संयुक्त विद्यमाने अॅपलॉज एंटरटेनमेंटने निर्मिती केली आहे. या चित्रपटाच्या सशक्त कथेने भारतीय आणि आंतरराष्ट्रीय चित्रपट महोत्सवांमध्ये खळबळ उडवून दिली आहे.

    होय, बुसान इंटरनॅशनल फिल्म फेस्टिव्हल, लंडन इंडियन फिल्म फेस्टिव्हल, कोलकाता इंटरनॅशनल फिल्म फेस्टिव्हल, केरळच्या इंटरनॅशनल फिल्म फेस्टिव्हलमध्ये प्रशंसा मिळवल्यानंतर ‘द रेपिस्ट’ आता ऑगस्टमध्ये मेलबर्नच्या इंडियन फिल्म फेस्टिव्हलमध्ये दाखवला जाईल. या चित्रपटाला IFFM मध्ये ‘सर्वोत्कृष्ट चित्रपट’, ‘सर्वोत्कृष्ट दिग्दर्शक’ आणि ‘सर्वोत्कृष्ट अभिनेत्री’ अशी तीन नामांकनेही मिळाली आहेत. याआधी या चित्रपटाने बुसान आंतरराष्ट्रीय चित्रपट महोत्सवात प्रतिष्ठित किम जॅक पुरस्कार जिंकला आहे.

    ‘द रेपिस्ट’ हा बलात्काराच्या शरीररचनेची वैचारिक तपासणी आहे, त्याचप्रमाणे बलात्कार करणाऱ्यांची मानसिकता आणि त्यानंतर होणाऱ्या आघाताचा अनुभव आहे. राष्ट्रीय पुरस्कार विजेते मिस्टर आणि मिसेस अय्यरसह अनेक प्रशंसनीय चित्रपटांनंतर अपर्णा सेन-कोंकणा सेन शर्मा या आई-मुलीच्या जोडीचे पुनर्मिलन देखील आहे.