‘हा’ रंग देईल तुम्हाला तरुण लूक; एकदा नक्की ट्राय करा

तुमच्या आवश्यकतेनुसार तुम्ही केसांना पूर्णपणेही ‘ग्रे’ करू शकता. या ट्रेंडमध्ये आपल्या लूकला रॉकिंग बनवण्यासाठी आपल्याला थोडी हिंमत दाखवावी लागेल. सोबतच काही शानदार स्टाइल्सचीही गरज तुम्हाला भासणार आहे. त्यानंतर तुम्ही जबरदस्त स्टायलिश दिसाल.

    आपण केसांना रंग देतच असाल; पण तुम्ही केसांना कधी ‘ग्रे’ करण्याचा विचार केला आहे? अलीकडे केसांना ‘ग्रे’ करण्याचा ट्रेंड असून, लेडी गागा, मेरी केट, साइरस, रेहाना यांसारख्या हॉलिवूड अभिनेत्रीही अशा लूकमध्ये दिसू लागल्या आहेत. हल्ली ग्रे हेअर कलर ट्रेंडमध्ये आहे. तुमच्या आवश्यकतेनुसार तुम्ही केसांना पूर्णपणेही ‘ग्रे’ करू शकता. या ट्रेंडमध्ये आपल्या लूकला रॉकिंग बनवण्यासाठी आपल्याला थोडी हिंमत दाखवावी लागेल. सोबतच काही शानदार स्टाइल्सचीही गरज तुम्हाला भासणार आहे. त्यानंतर तुम्ही जबरदस्त स्टायलिश दिसाल.

    ग्रे लॉक्स
    पांढरे केस फॅशनच्या दृष्टीनं चांगले मानले जात नाहीत; पण ज्यात प्लॅटिनम, सिल्व्हर किंवा पांढऱ्या रंगाचाही उपयोग केला जातो, असे ग्रे हेअर सध्या हेअर फॅशनमध्ये ‘इन’ आहेत. हा ट्रेंड कदाचित वाढत्या वयानुसार केस पांढरे होण्यापासून वाचवण्यासाठी आगामी काळात प्रभावी उपायही ठरू शकेल. यातील सिल्व्हर लॉक्स सगळ्यांनाच आवडू लागलंय; कारण कोणतंही असो हा ट्रेंड उन्हाळ्यात हॉट ठरतो आहे.

    लांब केसांवरही प्रभावी
    तुम्ही रंगांसोबत केसांना अर्धवर्तुळाकार, कुरळे किंवा लांब ठेवत असाल, तर आपण स्टायलिश दिसू शकाल. छोट्या आणि सरळ केसांवर हा रंग तितका उठावदार दिसणार नाही. त्यामुळे तुम्ही ट्राय करून पहा. तुम्ही युनिक दिसाल.

    अप्रतिम जोडी
    ड्रेसशी मिक्स अँड मॅच हेअर कलर केला, तरीसुद्धा ते अप्रतिम दिसेल.