तरुण वयात केस पांढरे होत आहेत?; मग करा हे घरगुती उपाय

चुकीचे खाणे, तणाव आणि केसांची योग्य काळजी न घेतल्यामुळे बरेच वेळा केस पांढरे होतात. जर आपले केसही पांढरे होत असतील तर आपण त्याकडे दुर्लक्ष करू नका

    तरुण वयातच केस पांढरे होण्याच्या समस्येमुळे बरेच लोक त्रस्त आहेत. नाईलाजाने अनेक जण केसांना डाय करतात, परंतु त्याचे अनेक दुष्परिणाम आहेत.

    जाणून घेऊया कमी वयात केस पांढरे होण्यामागे नेमके काय कारण आहे.

    चुकीचे खाणे, तणाव आणि केसांची योग्य काळजी न घेतल्यामुळे बरेच वेळा केस पांढरे होतात. जर आपले केसही पांढरे होत असतील तर आपण त्याकडे दुर्लक्ष करू नका आणि खाली दिलेल्या उपायांचा त्वरित वापर करा. हे उपाय केल्यास केस पांढरे होण्यापासून रोखले जातील आणि आपले केस काळे होऊ लागतील

    बटाट्याचा हेअर पॅक:-

    बटाटयाची साली केसांसाठी खूप फा-यदेशीर मानली जातात आणि बटाट्याच्या सालाचा हेअर पॅक केसांना लावल्यास आपले पांढरे केस काळे होतात.

    बटाट्याच्या सालामध्ये स्टार्च असतो, जो एक नैसर्गिक रंग मानला जातो आणि स्टार्च केसांना काळे करते. बटाटाच्या सालामध्ये स्टार्चव्यतिरिक्त व्हिटॅमिन ए, बी आणि सी देखील आढळतात, ज्यामुळे केस गळणे देखील थांबते. म्हणून केसांच्या आरोग्यासाठी बटाट्याच्या सालाचा हेयर मास्क लावावा.

    बटाट्याच्या सालीचा हेयर मास्क करण्याची पध्दत:-

    प्रथम बटाटा सोलून घ्या आणि त्याचा साली एकत्र करून थंड पाण्यात घाला. यानंतर, 10 मिनिटे हे पाणी गॅसवर उकळा. ते उकळल्यानंतर, पाण्यातून गाळून घ्या आणि त्याची बारीक पेस्ट करून घ्या.

    बटाट्याच्या सालीची पेस्ट तयार होईल. या पेस्टमध्ये तेल घालून हा हेअर पॅक केसांवर लावा. कमीतकमी अर्धा तास हे केसांवर लावावे आणि ते कोरडे झाल्यावर थंड पाण्याने धुवून घ्यावे. आठवड्यातून दोनदा हा हेअर मास्क लावाव. आपले केस नैसर्गिकरित्या काळे होतील.

    मेथीचा हेयर मास्क बनवण्याची पद्धत:-

    मेथीची पेस्ट केसांवर लावल्याने केस काळे आणि लांब होतात. ज्या लोकांचे केस पांढरे शुभ्र आहेत त्यांनी त्यांच्या केसांवर मेथीची पेस्ट नक्कीच लावावी. मेथीमध्ये आढळणारे घटक केस काळे ठेवतात आणि केस पांढरे होऊ देत नाहीत.

    मेथीचा हेयर मास्क बनवण्याची पद्धत:-

    मेथीचे हेअर मास्क बनविणे खूप सोपे आहे. प्रथम मेथीच्या दाण्यांना पाण्यात भिजवून ठेवावे. मेथीच्या दाण्यांना आठ तास पाण्यात राहू द्या. त्यानंतर त्यामधून पाणी काढून घ्या आणि ते बारीक करा. ते बारीक करून त्याची पेस्ट बनवा. नंतर या पेस्टमध्ये खोबरेल तेल घाला.

    आणि अर्ध्या तासासाठी ही पेस्ट आपल्या केसांवर लावा. ती पेस्ट जेव्हा कोरडी होईल तेव्हा शैम्पूच्या सहाय्याने केस धुवून घ्यावे. आपण ही पेस्ट आठवड्यातून तीन वेळा लावावी. आपले पांढरे केस पूर्णपणे काळे होतील आणि केस गळतीपासून आपली मुक्तता होईल.