yoga girl

लठ्ठपणामुळे केवळ आपल्या शरीरयष्टीवरच परिणाम होत नाही, तर त्यामुळे शरीरातील हार्मोन्सच्या संतुलनावरही परिणाम होतो. लठ्ठपणामुळे काही व्याधींमध्येही वाढ होत असते. प्रजननक्षमतेवरही त्याचा विपरित परिणाम होऊ शकतो (Avoid obesity, stay fit).

मात्र, योग्य व्यवस्थापन केल्यास कमी कालावधीत वजन व चरबी कमी होऊ शकते. लठ्ठपणामुळे केवळ आपल्या शरीरयष्टीवरच परिणाम होत नाही, तर त्यामुळे शरीरातील हार्मोन्सच्या संतुलनावरही परिणाम होतो. लठ्ठपणामुळे काही व्याधींमध्येही वाढ होत असते.

प्रजननक्षमतेवरही त्याचा विपरित परिणाम होऊ शकतो. मात्र, योग्य व्यवस्थापन केल्यास कमी कालावधीत वजन व चरबी कमी होऊ शकते.

१६ ते ३० वर्षे हा आयुष्यातील महत्त्वाचा कालावधी असतो. या काळात प्रत्येकजण व्यक्तिगत, व्यावसायिक तसेच सर्वांगीण विकासासाठी प्रयत्नशील असतो. मात्र, अनेकांना लठ्ठपणाचा त्रास होत असल्याचे आढळून येत आहे.

त्यामुळे अनेक व्याधीही होऊ शकतात. लठ्ठपणामुळे केवळ आपण कसे दिसतो किंवा आपल्या शरीरयष्टीवरच परिणाम होत नाही तर त्याचबरोबर आपल्या शरीरातील हार्मोन्सचा बॅलन्स आणि व्याधींमध्येही वाढ होत असते.  लठ्ठपणा आणि त्याच्याशी संबंधित आजारांवरील उपचारांसाठी वैज्ञानिक दृष्टिकोनाची आवश्यकता आहे.

लठ्ठपणामुळे प्रजननक्षमतेवरही परिणाम होत असतो. १६ ते ३० या वयोगटातील सर्वसाधारण आकडेवारी पाहिल्यास १० महिलांपैकी चार मुली व महिलांना नैसर्गिकरित्या मासिक पाळी येत नाही व त्यामुळे गर्भधारणेवरही परिणाम होत असल्याचे आढळून आले आहे.

प्रजननक्षमतेचा ऱ्हास होण्यामागे विविध कारणे आहेत. त्यात अनुवांशिकता, खाल्ले जाणारे अन्न आणि पर्यावरणीय गोष्टी आदींचा समावेश असला तरी शरीराचे वजन हा एक महत्त्वाचा घटक जवळपास सर्वच हार्मोन्सच्या अनियमिततेच्या प्रश्नांमध्ये काम करत असतो.

शरीरातील चरबीमुळे बीजफलनाची शक्यता कमी होते. त्यामुळे लठ्ठ स्त्रियांना गर्भधारणा होत नसल्यास अतिरिक्त वजन कमी करण्याचा सल्ला दिला जातो. शरीराचे वजन आणि अतिरिक्त चरबी किंवा मेद वितरण या गोष्टींचा परिणाम गर्भधारणेवर होत असतो. लठ्ठ स्त्रियांमधील गर्भाशयाची यंत्रणा बिघडते आणि बीजधारणेवर परिणाम होतो. त्यामुळे त्यांच्यामध्ये मासिक पाळीच्याही समस्या दिसून येतात. पॉलिसिस्टिक ओव्हरी सिंड्रोमसारख्या (पीसीओएस) आजारांमध्ये शरीरातील हार्मोन्स अनियमित होतात. त्यामुळे गर्भाशयावर छोटी पुटं निर्माण होऊन गर्भधारणा होण्यास अडचणी निर्माण होतात. तसेच गर्भधारणेची शक्यता कमी होते.