हिवाळ्यात होणाऱ्या तेलकट केसांवर सोपे आणि घरघुती उपाय

तुम्ही केसातून तेल काढण्यासाठी घरगुती उपायांचा उपयोग करून घेऊ शकता. यामुळे तुमच्या केसात जमलेल्या तेलाला स्वच्छ करता येते.

हिवाळ्याच्या दिवसात केसांचा कोरडेपणा होणं ही एक सामाईक समस्या आहे. ही समस्या दूर करण्यासाठी सर्वात सोपा उपाय म्हणजे नारळाचे तेल. नारळाचे तेल अत्यंत सहज लावता येते. पण जेव्हा तेल डोक्यावरून काढायची वेळ येते तेव्हा मात्र हे काम कठीण होतं आणि हिवाळ्यामध्ये सर्वात जास्त त्रास होतो तो केस धुण्याचा. कारण केस कोरडे पडू नये म्हणून तेल लावण्यात येतं. पण ते काढताना मात्र त्रास होतो. वास्तविक हिवाळ्यात नारळाचं तेल केसांमध्ये चिकटून राहतं. त्यामुळे साधारण शँपूने केस धुतल्यास, हे केसातून निघत नाही. त्यामुळे केसांमध्ये समस्या होऊ शकते. त्यामुळे हिवाळ्याच्या दिवसात केसांमधील तेल कसे काढायचे याच्या काही सोप्या टिप्स आम्ही तुम्हाला देत आहोत. तुम्हीही या टिप्स वापरून तुमच्या केसांची काळजी घेऊ शकता.

बिअर

केस बिअरने धुतल्यामुळे चमकदारही होतात आणि केसांमधील तेल आणि चिकटपणा निघून जाण्यास मदत मिळते. तसंच हे वापरणं सोपं आहे.

बिअर आणि पाणी मिक्स करून घ्या आणि याने केस धुवा
तुम्ही तुमच्या केसांंच्या हिशेबाने हे मिश्रण कमी अथवा जास्त करू शकता

केसांमधून कसे काढाल नारळाचे तेल

मुलतानी माती लाऊन केस धुवा
हिना पावडरमध्ये आवळा, रिठा आणि शिकाकाई एकत्र करा आणि मग केस धुवा
अंड्याचा सफेद भाग तुम्ही केसांना लावल्यास, केसांमधून तेल अगदी सहजरित्या निघते
बिअरने केसांना तुम्ही धुवा आणि केस अधिक मुलायम होतात. केसांमधील तेल निघून जातं
टॉमेटोच्या रसाने तुम्ही केस धुतल्यास, केसातून पटकन तेल निघून जातं

केसातून तेल निघाले नाही तर होतात या समस्या

केस चिकटपणा येतो
कोंड्याची समस्या अधिक प्रमाणात होते
स्काल्पमध्ये खाज येते
तसंच स्काल्पमध्ये अधिक प्रमाणात धूळ आणि माती चिकटते
इन्फेक्शन वाढते

टॉमेटो रस

केसांना लावलेले नारळाचे तेल साधारण शँपूने जात नाही. त्यामुळे तुम्ही टॉमेटोचा घरगुती हेअरपॅक लाऊन केसातील नारळाचे तेल काढू शकता.

सर्वात पहिले तुम्ही एका बाऊलमध्ये टॉमेटोचा रस काढून घ्या. यासाठी टॉमेटो मिक्सरमधून काढून त्याची प्युरी बनवून घ्या
त्यानंतर त्या रसामध्ये मुलतानी माती मिक्स करा
ही तयार झालेली पेस्ट स्काल्पला लावा आणि मग केसांना पूर्ण लावा
एक तासानंतर हेअरपॅक केसांना तसाच लाऊन ठेवा आणि मग केसांना शँपू लाऊन केस धुवा