dharmendra pradhan

केंद्रीय शिक्षणमंत्री धर्मेंद्र प्रधान(Dharmendra Pradhan) यांनी 2021 (NIRF Ranking 2021)साठी नॅशनल इन्स्टिट्यूशनल रँकिंग फ्रेमवर्क जाहीर केलं आहे. कोरोना विषाणू संसर्गामुळे(Corona Spread) रँकिंग ऑनलाईन कार्यक्रमात जाहीर करण्यात आलं आहे.

    केंद्रीय शिक्षणमंत्री धर्मेंद्र प्रधान(Dharmendra Pradhan) यांनी 2021 (NIRF Ranking 2021)साठी नॅशनल इन्स्टिट्यूशनल रँकिंग फ्रेमवर्क जाहीर केलं आहे. कोरोना विषाणू संसर्गामुळे(Corona Spread) रँकिंग ऑनलाईन कार्यक्रमात जाहीर करण्यात आलं आहे. इंडियन इन्स्टिट्यूट ऑफ मद्रासनं या रँकिंगमध्ये पहिले स्थान मिळवले आहे. यावर्षी टॉप रिसर्च इन्स्टिट्यूट अशी नवी कॅटेगरी तयार करण्यात आली आहे.

    केंद्रीय शिक्षणमंत्री धर्मेंद्र प्रधान एकूण दहा कॅटेगरीमधील रँकिंग जाहीर केलं आहे. ओवरऑल, विद्यापीठ, व्यवस्थापन, कॉलेज, फार्मसी, मेडिकल, इंजिनिअरिंग, आर्किटेक्चर, एचआरआआए आणि कायदा या संदर्भातील संस्थांचं रँकिंग जारी केल आहे. एनआयआरएफ रँकिंग शैक्षणिक संस्थांना टीचिंग लर्निंग अँड रिसोर्सेस, रिसर्च अँड प्रोफेशनल प्रॅक्टिस, ग्रॅज्युएशन आऊटकम, आऊटरिच अँड इँक्ल्यूसिवीट, परसेप्शन याआधारे दिलं जातं.


    एनआयआरएफ रँकिंगनुसार देशातील टॉप टेन संस्था

    1. IIT मद्रास
    2. IISc, बेंगळुरू
    3. IIT दिल्ली
    4. IIT बॉम्बे
    5. IIT खरगपूर
    6. IIT कानपूर
    7. IIT गुवाहाटी
    8. JNU
    9. IIT रुड़की
    10. BHU

    “आयआयटी मद्रास पुन्हा एकदा एकूण श्रेणीत देशातील सर्वोत्तम संस्था आहे.”, अशी माहिती केंद्रीय शिक्षण मंत्री धर्मेंद्र प्रधान यांनी दिली. विद्यापीठ श्रेणीमध्ये, आयआयएससी बंगळुरू यावर्षी पहिल्या स्थानावर आहे आणि जेएनयू दुसऱ्या स्थानावर आहे. त्याचप्रमाणे, आयआयटी मद्रास ही अभियांत्रिकी श्रेणीतील देशातील सर्वोत्तम संस्था आहे. त्यानंतर आयआयटी दिल्ली आणि त्यानंतर आयआयटी बॉम्बे आहे.

    व्यवस्थापन कॅटेगरीमध्ये आयआयएम अहमदाबाद, आयआयएम बंगलोर आणि आयआयएम कलकत्ता ही देशातील तीन सर्वोत्तम व्यवस्थापन महाविद्यालये आहेत. त्याचबरोबर मिरांडा हाऊस, एलएसआर फॉर वुमन दिल्ली आणि लोयोला कॉलेज, चेन्नई ही देशातील तीन सर्वोत्तम महाविद्यालये आहेत.

    फार्मसी कॅटेगरीत जामिया हमदर्द, नवी दिल्ली प्रथम स्थानावर, पंजाब विद्यापीठ चंदीगड दुसऱ्या स्थानावर आणि एनआयपीईआर मोहाली तिसऱ्या स्थानावर आहे. त्याचबरोबर वैद्यकीय श्रेणीमध्ये एम्स दिल्ली पहिल्या स्थानावर, पीजीआयएमईआर चंदीगड दुसऱ्या आणि ख्रिश्चन मेडिकल कॉलेज, वेल्लोर तिसऱ्या स्थानावर आहे.

    धर्मेंद्र प्रधान यांनी यावेळी रँकिंगमध्ये आलेल्या सर्व संस्थांचे अभिनंदनही केले.